159 సెంటర్స్ @ 50 days

Posted: 05/30/2014 03:44 PM IST

టాలీవుడ్ స్టైలిష్ స్టార్ అర్జున్ సురేందర్ రెడ్డి కాంబినేషన్లో వచ్చిన ‘రేసుగుర్రం ’ సినిమా బ్లాక్ బస్టర్ హిట్టవ్వడమే కాకుండా, యాభై కోట్ల క్లబ్బులో చేరిన బన్నీ సినిమాగా రికార్డులకెక్కింది. అంతేనా ఈ సినిమా నేటితో యాభై రోజులు 169 సెంటర్లలో దిగ్విజయంగా పూర్తి చేసుకుంది. జులాయి తరువాత మంచి హిట్టు కోసం చూసిన బన్నీకి తన స్థామినాకు తగిన హిట్టు రావడంతో మెగా ఫ్యాన్స్ పండగ చేసుకుంటున్నారు.

ఈ సినిమా నెల్లూరు 7, కృష్ణా 9, గుంటూరు 12, వైజాగ్ 24, తూర్పు గోదావరి 14, పశ్చిమ గోదావరి 6, సీడెడ్ 34, నైజాం 53 సెంటర్లలో ఈ సినిమా అర్థ శతదినోత్సవాన్ని జరుపుకుంటోంది. ఈ సినిమాకు ఇంత సీనుందా ? అందులో ఏముంది అనే వారికి ఈ సినిమా కలెక్షన్లే కారణం.

కిక్ తరువాత ఫాం కోల్పోయిన సురేందర్ రెడ్డి ఈ సినిమాలో చిన్న లవ్ స్టోరీనే తీసుకున్నా, స్క్రీన్ ప్లే, బ్రహ్మానందం కామెడీ, శ్రుతి హాసన్ అందాలు ఈ సినిమాకు ప్లస్ అయ్యాయి. మొత్తంగా ఈ సినిమా ఈ సంవత్సరం బ్లాక్ బస్టర్ హిట్ గా నిలవడమే కాకుండా, బన్నీ సినీ హిస్టరీలో అత్యథిక వసూళ్లు సాధించిన కూడా ఇదే కావడం విశేషం.