కళ్యాణ్ రామ్ కోసం జూనియర్ ఎన్టీఆర్

Posted: 05/09/2014 05:53 PM IST

కళ్యాణ్ రామ్ ‘కత్తి ’ సినిమా తరువాత మరో సాహసం చేయబోతున్నాడు. ఆ సినిమా అనుకున్న ఫలితాన్ని ఇవ్వకపోవడంతో ఇంత కాలం దూరంగా ఉన్న కళ్యాణ్ ఇఫ్పుడు కొత్త దర్శకుడితో సినిమా చేయబోతున్నాడు. ‘కందిరీగ ’ ‘ఆగడు ’ చిత్రాలకు రచయితగా పనిచేసిన అనిల్ రావిపూడి దర్శకుడిగా పరిచయం కాబోతున్న ఈ సినిమా ప్రారంభోత్సవం నేడు జరిగింది.

ఈ చిత్రానికి ‘పటాస్ ’ అని  పేరు పెట్టారు.  ఈ చిత్ర ప్రారంభోత్సవ కార్యక్రమానికి నందమూరి హరిక్రిష్ణ ఫ్యామిలీ వారు మాత్రమే హాజరయ్యారు. ఎన్టీఆర్ ఆర్ట్స్ బ్యానర్ పై తెరకెక్కే చిత్రాలకు బాలయ్యను ఆహ్వానిస్తారు. కానీ గత కొన్ని రోజుల నుండి రాజకీయ వైరం కారణంగా బాలయ్యకు ఇన్వయిట్ చేశారో లేదో ? తన తాత స్థాపించిన పార్టీ తరుపున ఎన్నికల్లో ప్రచారం చేయని ఎన్టీఆర్ ఈ వేడుకకు వచ్చి సందడి చేయడం చూస్తుంటే నందమూరి ఫ్యామిలీలో హరిక్రిష్ణ వర్గం, బాలయ్య వర్గాలుగా విడిపోయినట్లే కనిపిస్తుంది.