విలన్ వేషాలు వేస్తున్న తాప్సీ

Posted: 04/15/2014 09:47 AM IST

తెల్ల పిల్ల తాప్పీకీ టాలీవుడ్ అంతగా అచ్చిరాలేదనే చెప్పాలి. ప్రతి సినిమాలో తాప్సీ అందాల ప్రదర్శన చేసినా దర్శక నిర్మాతలు, ఆడియెన్స్ చూడాల్సినవన్నీ చూసేసి వదిలేయడంతో ఈ అమ్మడు తన ద్రుష్టిని బాలీవుడ్, కోలీవుడ్ పై పెట్టింది. ప్రస్తుతం బాలీవుడ్ లో ‘రన్నింగ్ షాదీ డాట్ కామ్ ’ సినిమాలో నటిస్తున్న ఈ అమ్మడుకు అక్షయ్ కుమార్ సరసన నటించే అవకాశం వచ్చింది.

స్పెషల్ చబ్చీస్ చిత్ర దర్శకుడు నీరజ్ పాండే దర్శకత్వంలో వచ్చే ఈసినిమాలో అవకాశం రావడంతో ఈ అమ్మడు ఆనందానికి అవధులు లేకుండా పోయాయి. అదీ కాకుండా తమిళంలో ఐశ్వర్య ధనుష్‌ దర్శకత్వంలో వస్తున్న 'వెయ్‌ రాజా వెయ్‌' సినిమాలో ఆమె నెగిటివ్‌ ఛాయలున్న పాత్రలో నటిస్తోంది. ఈ పాత్ర తనకు మంచి పేరు తెస్తుందన్న నమ్మకంతో ఉన్న తాప్సీ ఏ మేరకు తన విలనిజాన్ని ప్రదర్శిస్తుందో చూడాలి.