ఆటో ఇక విడుదల అవ్వడం కష్టమే

Posted: 03/07/2014 10:26 AM IST

Auto nagar surya lands in legal troubles

అక్కినేని నాగచైతన్య హీరోగా దేవా కట్టా దర్శకత్వంలో ఆర్.ఆర్. మూవీ మేకర్స్ సమర్పణలో ‘మ్యాక్స్ ఇండియా ’ పొడక్షన్ పతాకం పై అచ్చిరెడ్డి నిర్మించిన ఆటోనగర్ సూర్య సినిమా ఇంత వరకు విడుదల నోచుకోలేదు. ఇటీవల ఈ సినిమాను ఈనెల 9వ తేదీన విడుదల చేస్తామని ప్రకటించారు.

కానీ గుంటూరు కోర్టు విడుదలను అడ్డుకుంది. దీంతో ఈ సినిమా అటకెక్కినట్లే అని అనుకుంటున్నారు. ఈ సినిమా నిర్మాణ సమయంలో లావా దేవీలకు సంబందించి షేక్ అబ్దుల్ అనే వ్యక్తి సినిమా విడుదలను ఆపి వేయాలని కోర్టులో కేసు వేయడంతో ఈ సినిమా విడుదలను ఈనెల 18 వరకు నిలిపి వేయాలని ఆదేశాలు జారీ చేయడమే కాకుండా, నిర్మాత అచ్చిరెడ్డిని కోర్టులో హాజరు కావాలని కోరింది.

ఈ సినిమా నిర్మాణ వ్యయంలో అబ్దుల్ అనే వ్యక్తి రెండు కోట్ల రూపాయల పెట్టుబడి పెట్టాడని ఆయన తరుపు న్యాయవాది తెలిపారు. ఈ డబ్బులు తిరిగి చెల్లించే విషయంలో ప్రొడక్షన్, నిర్మాత తనను మోసం చేశారని అబ్దుల్ ఆరోపిస్తున్నారు. ఇప్పటికే పలుమార్లు వాయిదాల మీద వాయిదాలు పడ్డ ‘ఆటో ’ ముందుకు కదలాలంటే ఎవరైనా డబ్బులు పోయాల్సిందే.

Knr