బాలక్రిష్ణ ‘లెజెండ్ ’ ఫస్ట్ లుక్

Posted: 12/31/2013 07:20 PM IST

నందమూరి అభిమానులు ఎంతో కాలం నుండి ఎదురు చూస్తున్న ‘లెజెండ్ ’ సినిమా ఫస్ట్ లుక్ వచ్చేసింది. బోయపాటి శీను దర్శకత్వంలో  వారాహి చలన చిత్రం సమర్పణలో 14 రీల్స్ ఎంటర్టెన్మెంట్స్ పతాకంపై తెరకెక్కుతున్న ఈ చిత్రం ఫస్ట్ లుక్ ని నూతన సంవత్సర కానుకగా విడుదల చేశారు.

ఈ సందర్భంగా దర్శకుడు బొయపాటి శీను మాట్లాడుతూ పూర్తి కమర్షియల్ అండ్ ఫ్యామిలీ ఎంటర్ టైనర్ గా రూపొందుతుందని, బాలయ్యతో రెండో చిత్రంతో ఈ సంవత్సరం ప్రేక్షకుల ముందుకు రాడం ఎంతో సంతోషంగా ఉందని, ఈ చిత్రం కూడా ‘సింహా ’ లాంటి బ్లాక్ బ్లస్టర్ ఇస్తుందని, ఈ సినిమా పై ఉన్న భారీ అంచనాలకు తగ్గట్లే ఈ సినిమాను రూపొందిస్తున్నామని చెప్పారు.

తొలిసారి విలన్ పాత్ర పోషిస్తున్న జగపతి బాబు మాట్లాడుతూ... బాలయ్య సినిమాలో విలన్ పాత్ర పోషించిడం చాలా సంతోషంగా ఉంది. ఇన్ని రోజులు హీరోగా మీముందున్న నేను ఇక పై విలన్ పాత్రల్లో కూడా కనిపిస్తానని, ఈ పాత్ర నా  కెరియర్ కి మలుపు తిప్పే పాత్ర అవుతుందని అన్నారు.

దేవీ శ్రీ ప్రసాద్ సంగీతం అందించే ఈ సినిమా లో బాలయ్య సరసన రాధికా ఆప్టే , సోనాల్ చౌహాన్ లు నటిస్తున్నారు. ఈ సినిమా ఫస్ట్ లుక్ అదిరిపోయే విధంగా ఉండటంతో అభిమానుల ఆనందానికి అవధులు లేకుండా పోయాయి.