రామ్ చరణ్ దీపికాతో రొమాన్స్

Posted: 12/28/2013 12:00 PM IST

పోయిన దగ్గరే వెతుక్కోవాలనుకుంటున్నాడు టాలీవుడ్ హీరో రామ్ చరణ్. టాలీవుడ్ లో స్టార్ హీరోగా పేరు తెచ్చుకున్న చరణ్ ఆ మధ్యన బాలీవుడ్ లో అడుగు పెట్టి ‘జంజీర్ ’ సినిమాతో  అక్కడ తన అద్రుష్టాన్ని పరీక్షించుకున్నాడు.

ఎన్నో ఆశలు పెట్టుకున్న చరణ్ కి ఆ సినిమా హిట్టివ్వక పోగా ఈ సంవత్సరానికి గాను బిగ్గెస్ట్ ప్లాప్ చిత్రంలో మొదటి స్థానంలో నిలవడంతో ఇటు ఫ్యాన్స్, అటు హీరోయిన్ ప్రియాంక చోప్రా ఆగ్రహానికి గురయ్యాడు. అయితే ఏ మాత్రం ధైర్యం చెడని చరణ్ బాలీవుడ్ లో రెండో ట్రయల్ వేయడానికి సిద్దం అవుతున్నాడు. ప్రముఖ దర్శకుడు, ‘లగాన్’ ఫేం అశుతోష్ గోవారికర్ దర్శకత్వంలో చరణ్ హీరోగా ఓ చిత్రాన్ని నిర్మించడానికి సన్నాహాలు జరుగుతున్నాయి.

ఈ విషయాన్ని చరణ్ కూడా తాజాగా కన్ఫర్మ్ చేశాడు. వాస్తవానికి ఈ చిత్రం ఎప్పుడో మొదలు కావాల్సి ఉన్నా, జంజీర్ ఇచ్చిన ఝలక్ నుండి తేరుకోవడవానికి ఇన్ని రోజులు పట్టింది. వచ్చే ఏడాది చివర్లో ఈ చిత్రం ప్రారంభం అవుతుందని అంటున్నారు. ఇదిలా ఉంటే చరణ్ తో దీపికా పదుకునే జోడి కట్టబోతుందని, దీనికి సంబంధించిన కథా చర్చలు కూడా పూర్తయ్యాయనే వార్తలు బాలీవుడ్ నుండి వినిపిస్తున్నాయి.

ఈ వార్తల పై చరణ్ స్పందిస్తే గానీ అసలు విషయం తెలియదు.