నాలుగు రోజుల్లోనే 100 కోట్లు

Posted: 11/05/2013 07:39 PM IST

బాలీవుడ్ లో హృతిక్ నటించిన క్రిష్-3 చిత్రం రికార్డుల మోత మోగిస్తూ దూసుకుపోతుంది. రాకేష్ రోషన్ దర్శకత్వంలో అంత్యంత భారీ బడ్జెట్ తో తెరకెక్కిన ఈ చిత్రం విడుదల అయిన నాలుగు రోజుల్లోనే 100 కోట్ల మార్కును దాటి రికార్డులు క్రియేట్ చేసింది. ఆ మధ్య షారూఖ్ ఖాన్ నటించిన ‘చెన్నై ఎక్స్ ప్రెస్ ’ కూడా  ఎక్స్ ప్రెస్ లెవల్లో రికార్డు కలెక్షన్లు సాధించిన విషయం తెలిసిందే. ఈ సినిమాకు బాలీవుడ్ లో డివైడ్ టాక్ వచ్చినా కలెక్షన్లలో మాత్రం దూసుకుపోతుంది. తొలిరోజు 25. 20, రెండో రోజు 23. 2, మూడో రోజు 24. 30 కోట్లు చేసిందని ట్రేడ్ వర్గాల సమాచారం.

ఈ చిత్ర విజయం, సాధిస్తున్న కలెక్షన్ల పై ఆ చిత్ర దర్శక, నిర్మాత అయిన రాకేష్ రోషన్ మాట్లాడుతూ...ఈ సినిమాలో ముగ్గురు సూపర్ హీరోలు ఉండటం వల్లే ఈ సినిమా ఇన్ని వసూళ్ళు సాధించిందని అందులో  ఒకరు హృతిక్ రోషన్, రెండు వివేక్ ఒబేరాయ్, మూడు ప్రేక్షకులు అని తెలిపారు. ఇందులో హృతిక్ సరసన ప్రియాంకా చోప్రా కథానాయికగా నటించిన విషయం తెలిసిందే. ఇక ఈ సినిమా విడుదలకు ముందు రాకేష్ రోషన్ ఈ సినిమా టార్గెట్ వెయ్యికోట్లు అని వ్యాఖ్యానించిన విషయం తెలిసిందే.