ప్రభాస్ టైటిల్ ని కొట్టేశాడు

Posted: 09/23/2013 09:15 PM IST

టాలీవుడ్ నటుడు, రచయిత అయిన తనికెళ్ల భరణి సినిమా రంగంలో నటన పరంగానే కాకుండా, రచనల పరంగా, దర్శకత్వ పరంగా తానేంటో నిరూపించుకున్నాడు. ఇటీవల ఆయన తొలిసారిగా ‘మిథునం ’ సినిమాకు దర్శకత్వం వహించాడు. తొలి సినిమాతోనే మంచి పేరుతో పాటు అవార్డులను కూడా పొందిన తనికెళ్ల భరణి తన రెండో సినిమా కోసం సన్నద్దం అవుతున్నాడు. మొదటి నుండి శివ భక్తుడు అయిన తనికెళ్ళ భరణి ఇప్పుడు శివుడి పై ఓ సినిమాకు ప్లాన్ చేస్తున్నాడు. ఈ సినిమాకు భక్త కన్నప్ప పేరును పెట్టాడు. ఇందులో సునీల్ ని హీరోగా తీసుకుంటున్నాడు. ఈ సినిమాను ఒకేసారి తెలుగు, తమిళ, కన్నడ భాషల్లో ఏకకాలంలో నిర్మించడానికి ప్లాన్ చేస్తున్నారు. వచ్చే ఏడాది ఈ చిత్రం షూటింగు ప్రారంభిస్తారని దీనికి సంబంధించిన వివరాలు అధికారికంగా ప్రకటించనున్నారు. అయితే ‘భక్త కన్నప్ప ’ గా నటించాలని ఉందని గతంలో ప్రభాస్ చెప్పాడు. ఇప్పుడు ఈ టైటిల్ ని సునీల్ కొట్టేశాడు.