బహుబలిలో రెండు పాత్రల్లో ప్రభాస్

Posted: 05/29/2013 10:32 AM IST

ప్రముఖ దర్శకుడు రాజమౌళి - ప్రభాస్ కాంబినేషన్లో రాణా విలన్ గా, అనుష్క హీరోయిన్ గా భారీ బడ్జెట్ తో ‘బహుబలి ’ వర్కింగ్ టైటిల్ గా రూపొందబోతున్న విషయం తెలిసిందే. ఈ సినిమా అనౌన్స్ మెంట్ వచ్చింన దగ్గరి నుండి ఈ సినిమా పై భారీ అంచనాలు ఏర్పడ్డాయి. అందుకు తగ్గట్లే దీనికి సంబంధించి రోజుకో వార్త బయటికి రావడంతో జనాల్లో మరింత ఆసక్తి పెరిగింది. ఇప్పటికే ఈ చిత్రంలో రాజమౌళి నటిస్తున్నాడని, ప్రభాస్ ఈ సినిమాకి 20 కోట్లు రెమ్యునరేషన్ తీసుకుంటున్నాడని ఇలా రకరకాల వార్తలు వచ్చిన సంగతి విధితమే. తాజాగా ఈ సినిమాలో ప్రభాస్ డబుల్ రోల్ పోషించబోతున్నాడని ఈ రెండు పాత్రల్ని దర్శకుడు రాజమౌళి వీరోచిత పాత్రలుగా తీర్చిదిద్దుతున్నాడని అంటున్నారు. అయితే ఈ గాలి వార్తల్లో నిజమెంతుందనేది ప్రక్కన పెడితే... ఈ సినిమాని ఏక కాలంలో మూడు భాషల్లో రూపొందిస్తున్నారు. హిందీ వెర్షన్ కోసం అందాల సుందరి సోనాక్షి సిన్హాని తీసుకుంటున్నారని, రాజమౌళి ఆమెను సంప్రదించాడని, కానీ ఆమె ఇంకా ఏ నిర్ణయం చెప్పలేదని అంటున్నారు. ప్రస్తుతం ప్రీ ప్రొడక్షన్ పనులు జరుపుకుంటున్న ఈ సినిమాను జూన్ మొదటి వారంలో సెట్స్ కు తీసుకువెళ్ళడానికి సన్నాహాలు చేస్తున్నారు.