నాగ్ డాన్ - 2

Posted: 05/22/2013 07:14 PM IST

Raghava lawrence to direct don 2 with nagarjuna

హీరో నాగార్జునకు మాస్ ఇమేజ్ ని తెచ్చిపెట్టిన రాఘవ లారెన్స్ మరో సారి నాగార్జునతో సినిమా చేయనున్నాడనే వార్తలు ఫిలింనగర్ వర్గాల నుండి వినిపిస్తున్నాయి. గతంలో ఈయన ‘మాస్, డాన్ ’ సినిమాలు తీసిన విషయం తెలిసిందే. అయితే ఇప్పుడు డాన్ సినిమాకే స్వీక్వెల్ తీసే ఆలోచనలో ఉన్నాడట. ఈ సినిమాకు ‘డాన్ - 2 ’ అనే పేరును కూడా పరిశీలిస్తున్నారని అంటున్నారు. ఈయన తీసిన డాన్ సినిమా సక్సెస్ ని సాధించలేదు. అయితే ఇప్పుడు దానికే సీక్వెల్ అనే సరికి నాగార్జున కొంత సంశయిస్తున్నాడని అంటున్నారు. దీనికి సంబంధించిన స్టోరీని విన్న తరువాతనే ఓ నిర్ణయానికి రానున్నాడట. కాంచన సినిమాతో ఒక్కసారి రైజ్ అయిన లారెన్స్ ‘రెబల్ ’ సినిమాతో మళ్లీ పడిపోయాడు. దీంతో తెలుగులో ఎవరూ అవకాశాలు ఇవ్వలేదు. దాంతో ‘కాంచన సీక్వెల్ ’ ని మొదలు పెట్టాడు. అయితే ఈ సినిమా తరువాత ‘డాన్ - 2 ’ తీయాలనుకుంటున్నాడట. మరి నాగ్ ని ఇంప్రెస్ చేసే స్టోరీని లారెన్స్ వినిపించి ఒప్పిస్తేనే ఈ ప్రాజెక్టు పట్టాలెక్కుతుంది. ఇక నాగార్జున ప్రస్తుతం ‘భాయ్'షూటింగ్ లో బిజిగా ఉన్నారు.