Posted: 03/15/2013 07:53 PM IST

ప్రస్తుతం టాలీవుడ్ లో మల్టీ చిత్రాల హవా కొనసాగబోతుందా అంటే ప్రస్తుత పరిస్థితులను బట్టి అదే అనిపిస్తుంది. ఇప్పటికే ‘సీ.వా.సి.చె ’ చిత్రం వచ్చి ఘనవిజయం సాధించిన విషయం తెలిసిందే. దాని తరువాత నుండి టాలీవుడ్ లో మల్టీ స్టారర్ చిత్రాల ప్రకటనలు వస్తూనే ఉన్నాయి. ఇప్పటికే అక్కనేని ఫ్యామిలీ మూడు తరాల నటులు కలిసి ‘మనం ’ అనే సినిమా చేయబోతున్న విషయం తెలిసిందే. దగ్గుబాటి రామానాయుడు కూడా కొడుకు వెంకటేష్, మనవడు రాణాతో ఓ చిత్రం చేయాలని భావిస్తున్నట్లు తెలిపాడు. ఇక తాజాగా మంచు ఫ్యామిలీ కూడా (మోహన్ బాబు, విష్ణు, మనోజ్) కలసి ఒకే సినిమాలో నటించేందుకు రంగం సిద్ధమవుతోందని టాలీవుడ్ వర్గాల సమాచారం. ఈ సినిమాని మోహన్ బాబు కుమార్తె మంచు లక్ష్మి నిర్మించబోతుందని, ఓ మంచి కథను తయారు చేసే బాధ్యత ప్రముఖ రచయితకు అప్పగించిందని కూడా టాలీవుడ్ వర్గాల వార్తలు. మరి వీటిలో ఏ ఫ్యామిలీ చిత్రం సక్సెస్ సాదిస్తుందో చూడాలి.