Posted: 03/06/2013 07:36 PM IST

టాలీవుడ్ లో మరోసారి క్రేజీ కాంబినేషన్ రాబోతుంది. సూపర్ ఫాస్ట్ డైరెక్టర్ పూరిజగన్నాథ్, ప్రిన్స్ మహేస్ బాబు కాంబినేసన్ ‘బిజినెస్ మేన్ ’ తరువాత మళ్లీ రిపీట్ కాబోతుంది. ఇప్పటికే ప్రముఖ నిర్మాత అయిన బండ్ల గణేష్ మహేష్ బాబుతో ఓ సినిమా చేయనున్నాడనే వార్తలు వచ్చిన విషయం తెలిసిందే. ఈయన ‘టపోరి ’ అనే టైటిల్ రిజిష్టర్ చేయించాడు. ఈ టైటిల్ పూరీ జగన్నాథ్ దర్శకత్వంలో మహేష్ హీరోగా ఆయన నిర్మించే చిత్రం కోసమే రిజిష్టర్ చేయించాడని సమాచారం. మరో ప్రక్క పూరీ కూడా ఈ మధ్య ఓ కథను తయారు చేసి మహేష్ కి వినిపించాడని, దానికి మహేష్ కూడా గ్రీన్ సిగ్నల్ ఇచ్చాడని అంటున్నారు. ప్రస్తుతం సుకుమార్ దర్శకత్వంలో ఓ సినిమా చేస్తున్నవిషయం తెలిసిందే. ఆ చిత్రం తరువాత ఈ ప్రాజెక్టు పట్టాలు ఎక్కవచ్చని అంటున్నారు.