Posted: 08/02/2012 08:01 PM IST

       నందమూరి బాలకృష్ణ, తేజ కాంబినేషన్లో ఓ భారీ చిత్రం రాబోతోందని తెలుస్తోంది. తేజ ఇటీవల బాలకృష్ణను కలిసి ఓ కథ వినిపించాడనీ, విన్న వెంటనే ఈ చిత్రం చేయడానికి బాలకృష్ణ తన అంగీకారం తెలిపారనీ అంటున్నారు. ఈ సినిమా కోసం తేజ ఫిలిం చాంబర్లో ఇప్పటికే 'రైతు' అనే టైటిల్ని కూడా రిజిస్టర్ చేశాడట. దీనిని తన సొంత చిత్ర నిర్మాణ సంస్థ అయిన 'చిత్రం మూవీస్' బ్యానర్ పై నిర్మించడానికి తేజా సన్నాహాలు చేస్తున్నట్టు ప్రచారం జరుగుతోంది. ఇటీవలి కాలంలో దర్శకుడిగా తేజాకు విజయాలు లేవు. మరి, ఈ నేపథ్యంలో బాలకృష్ణ అతనితో చేయడానికి ఒప్పుకున్నారంటే, కచ్చితంగా సబ్జెక్టులో దమ్మున్నట్టుగానే భావించాలి. ఈ ప్రాజక్టుకు సంబంధించిన పూర్తి వివరాలు త్వరలో వెలువడే అవకాశం ఉంది. మొత్తానికి ఈ ప్రాజక్టు తెరకెక్కితే కచ్చితంగా వెరైటీ గానే ఉంటుందనేది యదార్థం..

...avnk