Posted: 08/02/2012 03:11 PM IST

      తెలుగు ప్రేక్షకులకు సపరిచితుడైన తమిళ టాప్‌స్టార్‌ ధనుష్‌- ప్రముఖ కథానాయకి ప్రియమణి జంటగా నటించిన ఓ తమిళ చిత్రం తెలుగులో అనువాదమవుతోంది. సుప్రసిద్ధ దర్శకులు కె.బాలుమహేంద్ర దర్శకత్వం వహించిన ఈ చిత్రానికి మ్యూజిక్‌ మ్యాస్ట్రో ఇళయరాజా సంగీతాన్ని అందించారు. లక్ష్మీ వెంకటేశ్వర మూవీస్‌ పతాకంపై అడ్డాల వెంకట్రావు-యస్‌.టి.సుధాకర్‌ ఈ చిత్రాన్ని సంయుక్తంగా నిర్మిస్తున్నారు. ఈ చిత్రం గురించి దర్శక నిర్మాతలు ఇలా అంటున్నారు :  'బాలు మహేంద్ర వంటి గ్రేట్‌ డైరెక్టర్‌ రూపొందించగా తమిళంలో ఘన విజయం సాధించిన 'అదు ఒరు కనా కాలమ్‌' చిత్రాన్ని తెలుగు ప్రేక్షకులకు అందిస్తున్నందుకు చాలా ఆనందంగా ఉంది. మంచి టైటిల్‌ను త్వరలో ప్రకటిస్తాం. ప్రస్తుతం అనువాద కార్యక్రమాలు జరుగుతున్నాయి. అన్ని కార్యక్రమాలు పూర్తిచేసి త్వరలో విడుదల చేస్తాం. అంటున్నారు..

...avnk