Posted: 06/04/2012 02:35 PM IST

      తన గీతాలాపనతో జనులను మంత్రముగ్ధుల్ని గావించే ఎస్ఫీ బాలు నేడే పుట్టారు.  దశాబ్దాల పాటు తన పాటలతో ప్రేక్షకుల్ని అలరిస్తున్న బాలసుబ్రమణ్యం అసలు పేరు శ్రీపతి పండితారాధ్యుల బాలసుబ్రమణ్యం. 1946 జూన్ 4వ తేదీన నెల్లూరు జిల్లాలోని కోనేటమ్మ పేటలో  జన్మించారు. చిన్నతనం నుంచే పాటలు పాడటం అలవాటుగా మార్చుకున్న బాలు మొదటి పాట 'ఏమి ఈ వింత మోహం' ని 22ఏళ్ళ వయస్సులో 'శ్రీశ్రీశ్రీ మర్యాదరామన్న' చిత్రం కోసం పాడారు. ఎస్పీ కోదండపాణి స్వరకల్పనలో 1966 సెంబర్ 15న మద్రాసులోని విజయా గార్డెన్స్ రికార్డింగ్ థియోటర్లో ఆ పాటని రికార్డు చేసారు.
       ఆ తర్వాత తెలుగు, తమిళ ,మళయాళ, హిందీ, బెంగాళి భాషల్లో  దాదాపు 40వేలకు పైగా పాటలు పాడారు పాడుతూనే ఉన్నారు. అంతే గాక సంగీత దర్శకుడిగానూ 55చిత్రాలకు పనిచేసి మధురమైన సంగీతాన్ని అందించారు. ఇక నటుడుగా 'మహ్మద్ బీన్ తుగ్లక్' చిత్రంతో తెరంగ్రేటం చేసి ఇప్పటి వరకూ దాదాపు 70సినిమాల్లో నటించారు. తాజాగా ఇటీవలే కళాతపస్వి కె.విశ్వనాథ్ , గాయకుడు ఎస్ .పి.బాలసుబ్రహ్మణ్యం ప్రధాన పాత్రధారులుగా వచ్చిన దేవస్థానం చిత్రంలోని బాలు నటన పలువురి ప్రశంసలందుకోంది.    తెలుగు, తమిళమే కాకుండా కన్నడంలో కూడా ఆయన పాడిన పాటలకి జాతీయ పురస్కారాలు లభించాయి. గాయకుడిగానే కాకుండా గాత్రదాన కళాకారుడిగా, నటుడిగా, సంగీత దర్శకుడిగా ఆయా విభాగాలలో ఆంధ్రప్రదేశ్ ప్రభుత్వ నంది పురస్కారాన్ని 29సార్లు అందుకున్న భాహుముఖ ప్రజ్ఞాశాలి ఎస్పీ బాలసుబ్రమణ్యం. మరో సారి ఈ గానగంధర్వుడికి ఆంధ్రావిశేష్.కాం పుట్టినరోజు శుభాకాంక్షలు

...avnk