Posted: 04/28/2012 06:37 PM IST

       నాని కథానాయకుడుగా కృష్ణవంశీ దర్శకత్వంలో రూపొందుతున్న చిత్రం టైటిల్ ఖరారైంది. ఇంతకుముందు మనం చెప్పుకున్న ‘పైనా’ టైటిల్ నే చివరికి ఖరారు చేశారు. ప్రస్తుతం ఈ మూవీ షూటింగ్  హైదరాబాదులోనే జరుగుతోంది. కృష్ణవంశీ రూపొందిస్తున్న చిత్రంలో నాని పక్కన కథానాయికగా మలయాళ భామ కేథరిన్ థెరీసా నటిస్తోంది. ప్రస్తుత వ్యవస్థపై రూపొందించిన వ్యంగ్య కథతో కృష్ణవంశీ దీనిని రూపొందిస్తున్నట్టు తెలుస్తోంది. ఎదోకసందేశం తన చిత్రం ద్వారా అందించాలనే కృష్ణవంశీ ఈ చిత్రం ద్వారా పైనల్ వసూలు చేస్తారో లేదో చూడాలి.
       ఇదిలా ఉంటే ఆమధ్య 'మిరపకాయ్' చిత్రాన్ని నిర్మించిన ఎల్లో ఫ్లవర్స్ అధినేత రమేష్ పుప్పాల ఈ చిత్రాన్ని తెరకెక్కస్తున్నారు. అంతేకాదు ఇదే సమయంలో ఆయన మరో భారీ చిత్రాన్ని కూడా నిర్మిస్తున్నారు.  అదే.. బాలకృష్ణ హీరోగా రవికుమార్ చావలి దర్శకత్వంలో 'శ్రీమన్నారాయణ' చిత్రం ఈ మూవీ కూడా హైదరాబాద్ లోనే షూటింగ్ జరుపుకుంటుంది. ఈ చిత్రానికి సంబంధించిన మరింత సమాచారం మీకు నిన్ననే అందించాం.

....avnk