Posted: 04/15/2012 02:26 PM IST

               పవర్ స్టార్ పవన్ కల్యాణ్ గబ్బర్ సింగ్ సినిమా ఆడియో ఆవిష్కరణ ఇవాళ వినూత్న రీతిలో జరుగుతోంది. ఈ మూవీ ఆడియో వేడుక కార్యక్రమం ఉదయం తిరుపతిలో ప్రారంభమైంది. ఈ వేడుకను వెరైటీగా నిర్వహిస్తున్న సంగతి తెలిసిందే. అందులో భాగంగా ఈ ఉదయం పవన్ కల్యాణ్ ప్రత్యేక విమానంలో తిరుపతి చేరుకున్నారు. అక్కడి నుంచి తిరుమల విచ్చేసి, వెంకటేశ్వర స్వామిని దర్శించుకున్నారు. ఆయనతో పాటు సంగీత దర్శకుడు దేవిశ్రీ ప్రసాద్, నిర్మాత గణేష్ బాబు కూడా వున్నారు.
                ఈ సందర్భంగా పవన్ కల్యాణ్ మాట్లాడుతూ, గబ్బర్ సింగ్ సినిమా మంచి విజయం సాధిస్తుందన్న నమ్మకం వుందని ధీమా వ్యక్తం చేశారు. ఉదయం హైదరాబాద్‌ నుంచి బయల్దేరిన పవన్‌ కళ్యాణ్‌ 8.30 గంటలకు తిరుపతి వచ్చారు. ఈ సందర్భంగా పవన్‌కళ్యాణ్‌కు స్థానిక అభిమానులు స్వాగతం పలికారు. పూలమాల వేసేందుకు అభిమానులంతా పోటీపడ్డారు.
               తిరుపతి నుంచి ఆయన అదే విమానంలో విశాఖ బయలుదేరారు. అక్కడ కూడా ఓ సాంగ్ ను విడుదల చేస్తారు.  అక్కడి నుంచి సింహాచలం వెళ్లి దైవ దర్శనం చేసుకుని, సాయంత్రానికి హైదరాబాదు చేరుకుంటారు.  హైదరాబాదులో జరిగే ఆడియో ఆవిష్కరణ కార్యక్రమంలో సినీ రంగానికి చెందిన ప్రముఖులు పాల్గొంటారు.

...avnk