Posted: 04/06/2012 04:43 PM IST

           ‘జులాయి’ మొదటి చూపులోనే అందరినీ ఆకర్షించేస్తోంది. ఫస్ట్ లుక్ కేక అంటూ బన్నీ అభిమానులే కాదు, సాక్షాత్తూ సినీ వర్గం కూడా చెబుతోంది. ఈ ఫస్ట్ లుక్ తో ఒక్కసారిగా ఈ మూవీ పై అంచనాలు ఆకాశానికి వెళ్లిపోయాయి.  అల్లు అర్జున్ - త్రివిక్రమ్ శ్రీనివాస్ కాంబినేషన్లో తెరకెక్కుతోన్నఈ సినిమా ఫస్ట్ లుక్ ఈ రోజు విడుదలైంది.            

             అప్పుడే ఈ ఫస్ట్ లుక్ కి ఆడియన్స్ నుంచి విపరీతమైన రెస్పాన్స్ వస్తున్నట్టు సర్వత్రా ప్రశంసలు వెల్లువెత్తుతున్నాయి. టైటిల్ డిజైన్ తో పాటు ఆ టైటిల్ కి తగినట్టుగానే అల్లు అర్జున్ గెటప్, స్టైల్ డిజైన్ చేయటంలో త్రివిక్రమ్ వావ్ అనిపించాడు. మొగా అభిమానులు ఈ మూవీ స్టిల్స్ చూసి ఉబ్బితబ్బిబ్బవుతున్నారు.

           కాగా, మొదట్లో ఈ సినిమాకి 'హనీ' అనీ, 'పార్ట్ నర్' టైటిల్ గానూ, వార్తలు షికారు చేశాయి. వీటన్నింటినీ కొట్టి పారేస్తూ  ఈ మధ్యనే 'జులాయి' అనే టైటిల్ ని ఖరారు చేశారు. ఇవాళ తాజాగా ఫస్ట్ లుక్ ని రిలీజ్ చేశారు. ఎల్లుండు అంటే ఈ నెల 8న అల్లు అర్జున్ బర్త్ డే సందర్భంలో ఈ పోస్టర్స్ రావటం ఫ్యాన్స్ కు మరింత పండుగలా ఉంది.         

             అల్లు అర్జున్ కు జోడీగా ఇలియానా నటిస్తోన్న ఈ సినిమాలో రాజేంద్ర ప్రసాద్ పోలిస్ పాత్రలో నటిస్తున్నారు. ఈ చిత్రాన్ని జూన్ లో విడుదల చెయ్యాలని నిర్మాతలు భావిస్తున్నారు. రాధా కృష్ణ ఈ చిత్రాన్ని నిర్మిస్తుండగా,  డివివి దానయ్య సమర్పిస్తున్నారు.

 

 ...avnk