Posted: 04/04/2012 03:11 PM IST

             నిత్య యవ్వనంగా ఉండాలని ఎవరికి మాత్రం ఉండదు చెప్పండి.. అయితే,  పాప్ క్వీన్ మడొన్నా మాత్రం నిత్య యవ్వనం కిటుకు తెలుసుకున్నట్టుంది. అందుకే యాభైఏళ్ల వయసులోనూ  ఈ ముద్దుగుమ్మకు ఇంకా క్రేజ్, అందం  తగ్గలేదు. షకీరా, లేడీగాగా, బ్రిట్నీ స్పియర్స్.. ఇలా పాప్  ప్రపంచంలో దూసుకుపోతున్న వాళ్లెంతమంది ఉన్నా మడొన్నా ఎవర్ గ్రీన్ గా సాగిపోతోంది.
              కేవలం అందమే కాదు. టాలెంట్ లోనూ ఈ భామది తిరుగులేని స్టైల్. తాజాగా మడొన్నా కొత్త ఆల్బమ్ ఎండీఎన్ఏ రికార్డుల మోత మోగిస్తోంది. అమెరికన్ ఆల్బమ్స్  చార్ట్ లో నెంబర్ వన్ స్థానాన్ని ఆక్రమించుకుందంటేనే ఈ పాప్ క్వీన్ సత్తా ఏంటో తెలుస్తుంది. మడొన్నా కొత్త ఆల్బమ్ దెబ్బకు ఎల్విస్ ప్రెస్లీ టాప్ సింగిల్స్ కూడా తర్వాత స్థానాలకు పడిపోయాయి.
              నిజానికి ఇటీవలి కాలంలో మడొన్నా హవా కొంత తగ్గింది. ఆమె నుంచి కొత్త ఆల్బమ్స్ రావని కూడా పుకార్లొచ్చాయి. అయితే ఆలస్యంగా ఐనా ఫుల్ జోష్ తో చేసిన ఎండీఎన్ఏ ప్రభంజనాన్నే సృష్టించింది. ఈ ఆల్బమ్ ఇంకెన్ని రికార్డులు సృష్టిస్తుందోనని పాప్ విశ్లేషకులంటున్నారు.

...avnk