Posted: 03/10/2012 04:06 PM IST

ఈ మధ్య కాలంలో తెలుగు సినిమాల్లో డైలాగులు ప్రీ రిలీజు చేసి సినిమాకి మంచి క్రేజ్ ని సంపాదిస్తున్నారు. సినిమాలో సబ్జెక్ట్ లేకున్నా ఆ సినిమాలో డైలాగ్ లు మాత్రం కొద్ది ఫవర్ ఫుల్ గానే ఉంటున్నాయి. ఆ మధ్యన వచ్చిన  ఊసరవెల్లి, దూకుడు, బిజినెస్ మెన్ సినిమాలలో డైలాగ్ లు రిలీజు చేసి సినిమాలకి క్రేజ్ తెచ్చుకున్నారు. ఆ డైలాగులు విన్న జనం ఆ సినిమాలకి ఎగబడి మరీ వెళ్లారు.

తాజాగా పవన్ కళ్యాణ్ నటిస్తున్న చిత్రం గబ్బర్ సింగ్. హరీష్ శంకర్ దర్శకత్వం వహిస్తున్న ఈ చిత్రం టీజర్స్ ఈ మధ్యనే రిలీజ్ చేశారు. అందులో కూడా ఓ డైలాగ్ ని వదిలి పెట్టారు. ఆ డైలాగ్ యూత్ ని బాగా ఆకట్టుకుంది. ఇలాంటివి ఈ సినిమాలో బాగానే ఉన్నాయని చెప్పారు దర్శకుడు. తాజాగా ఈ చిత్రంలోని మరో డైలాగ్ లీక్ అయింది. ఇది కావాలని లీక్ చేశారో లేక లీక్ అయ్యిందో తెలియదు కానీ ఇది కూడా జనాల్లో మంచి ఊపునే తీసుకువచ్చేటట్లు ఉంది.

ఆ డైలాగ్ ఏంటంటే.... ‘ నన్ను కాల్చే గన్ను ఇంకా మ్యానుఫాక్ఛర్ కాలేదు రా’ అనే డైలాగ్ పవన్ కళ్యాణ్ విలన్లతో అంటాడట. ఈ డైలాగ్ ఇప్పుడిప్పుడే మంచి ఊపు అందుకుంటుంది. మరి సినిమా కూడా ఈ డైలాగ్ ల లాగే పవర్ ఫుల్ గా ఉంటుందో లేదో చూడాలని అంటున్నారు సినీ జనాలు.