Posted: 01/20/2012 06:07 PM IST

వెంకటేష్ భార్య దొరకడం, మహేష్ వదిన దొరకడం కష్టం అయిపోయింది. అదేంటి వెంకీ మళ్ళీ పెళ్ళి చేసుకోబోతున్నాడు అందుకే భార్య, మహేష్ బాబు వాళ్ళ అన్న మళ్ళీ పెళ్ళి చేసుకోబోతున్నాడు అందుకే వదిన దొరకడం లేదని మీరనుకుంటే పొరపాటు పడ్డట్లే. వెంకీకి భార్య, మహేష్ వదిన దొరకపోవడం అంటే వీరిద్దరు కలిసి నటించే సినిమాలో హీరోయిన్లు సెట్ కాకపోవడం అన్నమాట.

వెంకీ, మహేష్ బాబు కలిసి నటిస్తున్న 'సీతమ్మ వాకిట్లో సిరిమల్లె చెట్టు' చిత్రంలో హీరోయిన్ల సమస్య ఎక్కువైంది. ఈ చిత్రంలో వెంకీకి భార్యగా అనుష్క, త్రిష, అమలా పాల్ వంటి కథానాయికల పేర్లు తెర పైకి వచ్చాయి. అమలాపాల్ వెంకీ భార్య అని అందరు అనుకున్నారు. కానీ వీరిలో ఎవరూ మహేష్ బాబుకి వదిగా నటించడానికి అంగీకరించక పోవడంతో వెంకీకి భార్య దొరకడం కష్టం అయిపోయింది. కానీ తాజాగా వెంకీకి భార్యగా నటించడానికి మన తెలుగమ్మాయి ఓకే చెప్పినట్లు తెలుస్తుంది.

మొన్నటికి మొన్న తెలుగు తెరకు షాపింగ్ మాల్, జర్నీ వంటి చిత్రాల ద్వారా తెరంగ్రేటం చేసిన ‘అంజలి’ వెంకీకి భార్యగా నటించటానికి అంగీకరించిందని సమాచారం. ప్రస్తుతం ఈ భామ తమిళంలో పలు చిత్రాలతో బిజీగా వుంది. ప్రస్తుతం విశాఖలో  షూటింగ్ జరుపుకుంటున్నఈ సినిమాలో ‘అంజలి’ కూడా పాల్గొనబోతుందని సమాచారం. మరి వెంకీకి దొరికిన ఈ భార్య అయిన చిరవరి వరకు ఉంటుందో లేదో చూడాలి.