Posted: 01/20/2012 04:21 PM IST

క్రాంతి, సిమర్, రూపాకౌర్ హీరోహీరోయిన్లుగా సాయిశ్రీ ప్రొడక్షన్స్ పతాకంపై తెరకెక్కుతున్న చిత్రం ‘916 కేడీయమ్ ప్రేమ’. హేమంత్ దర్శకుడు. ఆర్. లక్ష్మణ్ నిర్మాత. ఇటీవలే ఈ చిత్రం షూటింగ్ పూర్తిచేసుకుంది. దర్శకుడు చిత్ర విశేషాలు తెలియజేస్తూ ‘స్వచ్ఛమైన ప్రేమలోని గొప్పతనాన్ని ఆవిష్కరిస్తుందీ చిత్రం. నేటి యువతలో ప్రేమ తాలూకు భావనల్ని ఈ చిత్రంలో చర్చిస్తున్నాం. మైసూర్, అమలాపురం, అనంతగిరి, హైదరాబాద్‌లలో చిత్రీకరణ జరిపాం. ఇందులో మూడు పాటలుంటాయి. ట్రీట్‌మెంట్ పరంగా ఈ చిత్రం సరికొత్తగా వుంటుంది’ అన్నారు. నిర్మాత మాట్లాడుతూ ‘ప్రస్తుతం డబ్బింగ్ కార్యక్షికమాల్ని జరుపుతున్నాం. వేసవి కానుకగా సినిమాను విడుదల చేయడానికి సన్నాహాలు చేస్తున్నాం’ అన్నారు. శశికిరణ్, దుర్గా, సిల్వర్ రమేష్ తదితరులు నటిస్తున్న ఈ చిత్రానికి కెమెరా: తోట రమణ, సంగీతం: బంటి, మాటలు: హేమంత్, చింతపట్ల సుదర్శన్.