Posted: 01/19/2012 04:51 PM IST

అదేంటి ఐశ్వర్యకు కూతురు పుట్టగానే అభిషేక్ బచ్చన్ ఆమె ఆంక్షలు విధిస్తున్నాడని అనుకుంటే మీరు పొరబడ్డట్టే. ఐశ్వర్యకు కండీషన్ అయితే పెట్టాడు కానీ తన భార్య ఐశ్వర్యకు కాదు. రజినీ కూతురు ఐశ్వర్యకు. రజినీకాంత్ మొదటి కూతురు ఐశ్వర్య తన భర్తను హీరోగా పెట్టి ‘3’ అనే సినిమాని తీసిన విషయం తెలిసిందే. ఈ సినిమాలో ధనుష్ పాడిన ‘కోలవెరి డి’ పాట ప్రపంచ వ్యాప్తంగా ఎంత హిట్ అయిందో అందరికీ తెలసిందే. ఈ పాటను అభిషేక్ బచ్చన్ కూడా విని ముగ్దుడయ్యి మెచ్చుకున్నాడు కూడా.

ఈ మధ్య రజినీ కూతురు ఐశ్వర్య ముంబయి వెళ్ళినప్పుడు అమితాబ్ ని కలిసి ‘3’ సినిమా కథ వినిపించిందని సమాచారం. ఈ సినిమా కథ విన్న అభిషేక్ కూడా కథను మెచ్చి దీనిని హిందీలో రీమేక్ చేద్దామని ఐశ్వర్యతో అన్నాడట. దానికి ఐష్ కూడా సరే అందట. కానీ చివరలో అభిషేక్ ఐశ్వర్యకి ఓ కండీషన్ పెట్టాడట. అదేంటంటే.... ‘‘ కోలవెరి డీ’’ అనే పాట కూడా హిందీలో ఉండాలనే కండీషన్. అంటే కోలవెరి పిచ్చి అభిషేక్ కూడా పట్టిందని ఐశ్వర్య అనుకుందని అంటున్నారు.