Posted: 01/06/2012 02:08 PM IST

 

కాబట్టే అర్ధసతదినోత్సవం జరుపుకున్నాడు. ఎన్నో కమర్షియల్ సినిమాల మధ్య విడుదలై, తన గొప్పతనాన్ని చాటుకుని, అన్ని సినిమాలతో పోటిగా ముందుకు సాగుతున్న 'శ్రీ రామ రాజ్యం' సినిమా గురించి నేను అనేది. ఈ సినిమా విడుదలై యాభై రోజులు పూర్తయిన సందర్భంగా, నిన్న అర్ధ శతదినోత్సవం వేడుకలు, హైదరాబాద్ లోని శిల్ప కళా వేదికలో ఘనంగా జరిగాయి. చిత్ర యూనిట్ సభ్యులు, ఈ చిత్ర సృష్టి కర్త బాపు, సంగీత దర్శకుడు ఇళయరాజా, నటీనటులు, బాల కృష్ణ, నయనతార, శ్రీ కాంత్, ఇతర ప్రధాన తారాగణం, దాసరి నారాయణ రావు వంటి వారు ముఖ్య అతిధులుగా విచ్చేయ్యగా, కన్నుల పండుగగా ఈ వేడుక జరిగిందని చెప్పచ్చు.

 

ఈ సందర్భంగా, ప్రసిద్ధ గాయకుడు, యస్. పీ. బాల సుబ్రహ్మణ్యం మాట్లాడుతూ 'నయనతార, నువ్విక సినిమాలలో నటించి నీ కీర్తిని తగ్గించుకోవద్దు, బాపు లాంటి దర్శకులు నీకు మళ్లీ దొరకరు. నువ్వు చేసిన 'సీత' పాత్రతోనే నువ్వు కలకాలం గుర్తుండిపొవాలి' అని అన్నారు... బాలు ఈ సినిమాలో అత్యధిక పాటలు పాడిన సంగతి మీకు తెలిసిందే... ఇక ముఖ్య అతిధి గా విచ్చేసిన దాసరి నారాయణ రావు, 'నయనతార, నువ్వు పెళ్లి తరువాత సినిమాలు మానేస్తున్నావని మీడియా ద్వారా తెలుసుకున్నాను. జయసుధ, సావిత్రి, సుజాత వంటి ఎందరో నటీమణులు పెళ్ళయిన తరువాత కూడా అద్భుతమైన పాత్రలు పోషించి, మెప్పించారు. పరిశ్రమకు ఇంకా నీ అవసరం ఎంతో ఉంది. దయచేసి పెళ్లి తరువాత నటించడం మానద్దు' అని అన్నారు...

 

ఇలా కొంతసమయం కాస్త ఆలోచనలో పెట్టె సంభాషణలతో, మరి కొంత సమయం బాలయ్య చేసిన పాత్రని అభినందిచడంతో, నయనతార నటనని కీర్తించడం తో, లక్ష్మనుడిగా శ్రీ కాంత్ ని అభినందించడం థ్ ఒవినోదభారితంగా సాగింది ఈ వేడుక... అయితే, చిత్ర నిర్మాత సాయి బాబు, నయనతార బాలయ్య నటించడానికి సిద్ధం అయితే, మరొక పురానికాన్ని తీస్తానని చెప్పినా మాటలు, అందరిని ఆలోచనలో పెట్టాయి... మరి అంటా నాయనతర చేతిలోనే ఉంది...