Posted: 01/04/2012 04:30 PM IST

`దూకుడు` సినిమాతో యమ దూకుడు మీదున్న ప్రిన్స్ మహేష్ బాబు సంక్రాంతి పండుగకు `బిజినెస్ మాన్`తో సందడి చేయనున్నాడు. జనవరి 11న తెరలను తాకనున్న ఈ పూర్తి స్థాయి కమర్షియల్ ఎంటర్ టైనర్ లో దర్శకుడు పూరీ ఎన్నో అత్యద్భుత ఘట్టాలు మిళితం చేసినట్టు తెలుస్తోంది. యాక్షన్ సన్నివేశాలకు, రొమాన్స్ కూ ఎంత ప్రాముఖ్యత ఇచ్చారో అలానే హాస్యానికీ ఈ మూవీలో పెద్దపీట వేసారని సమాచారం. ధర్మవరపు సుబ్రహ్మణ్యం పాత్ర సినిమాలో నవ్వులు పూయిస్తుందని ఫిల్మ్ నగర్ వర్గాలు చెబుతున్నాయి.

ఈ సినిమా ఆడియో ఇప్పటికే యువతను ఉర్రూతలూగిస్తోంది. ఇటీవలే సెన్సార్ పూర్తి చేసుకున్న `బిజినెస్ మాన్` `ఎ` సర్టిఫికెట్ అందుకున్నట్టు భోగట్టా. తొలి రోజుల్లోనే భారీ మొత్తంలో ఓపెనింగ్స్ రాబట్టేలా అత్యధిక ప్రింట్లతో భారీ ఎత్తున ఈ సినిమాను విడుదల చేసేందుకు సన్నాహాలు శరవేగంగా జరుగుతున్నాయి. అటు ఈ మూవీ సాంగ్స్ ను చాలా మంది యూత్ కాలర్ ట్యూన్స్ గా పెట్టుకుంటున్నారు. ఆదిత్య మ్యూజిక్ ద్వారా విడుదలైన పాటలు మార్కెట్లో హల్ చల్ చేస్తున్నాయి.

మహేష్ సరసన కాజల్ అగర్వాల్ నటిస్తోన్న `బిజినెస్ మాన్` చిత్రానికి సంగీతం తమన్ అందిస్తున్నారు. పూరీ జగన్నాథ్ డైరెక్ట్ చేస్తున్న ఈ చిత్రానికి ఆర్.ఆర్. వెంకట్ నిర్మాత.