Posted: 12/27/2011 03:50 PM IST

రోజురోజుకీ అగ్నిపథ్ హిందీ చిత్రం మీద అంచనాలు పెరిగిపోతున్నాయి. దీనికి తార్కాణమే నిర్మాత కరణ్ జోహార్ కి సెటిలైట్ రైట్స్ లో లభించిన రికార్డ్ స్థాయి రేటు. హృతిక్ రోషణ్, ప్రియాంక చోప్రా, సంజయ్ దత్ ముఖ్య పాత్రల్లో కనిపించే ఈ సినిమాకి కత్రినా కైఫ్ తన చిక్నీ చమేలీ కైపు పాటతో ఇప్పటికే శృంగారపు రంగు అద్దింది. ఎక్కడ చూసినా ఆ ఐటమ్ సాంగ్ చర్చే జరుగుతోంది కాబట్టి సహజంగానే ఆ పాట ఉన్న అగ్నిపథకీ మంచి ప్రచారం జరుగుతోంది. విడుదలవుతూనే ఈ సినిమా వందకోట్ల వసూళ్ళ మార్కుని దాటేస్తుందని చిత్ర బృందంలో అందరూ ఆశిస్తున్నారు. ఈ చిత్రాన్ని జనవరి 26 కి విడుదల చేద్దామని అనుకుంటున్నారు.

-శ్రీజ