Posted: 12/21/2011 04:04 PM IST

దర్శకధీరుడు ఎంతో ప్రతిష్టాత్మకంగా తీసుకొని తీస్తున్న సినిమా ’ఈగ‘ అనే విషయం అందరికీ తెలిసిందే. అయితే మీకు ఓ సందేహం రావచ్చు. రాజమౌళి ఈగ సినిమాకి. రాజమౌళి భార్య రమారాజమౌళి తాగే కాఫీకి కి ఈగతో సంబంధం ఏంటని ? వాళ్ళాయన ఈగ సినిమా తీస్తున్నాడు కదా ? ఈగల్ని ఇంట్లో పెంచుకుంటున్నారనుకోకండి. కానీ వారికి ఈగ రూపంలోనే ఇక ఆశ్చర్యకరమైన సంఘటన జరిగింది.
ఎవరైనా సెలబ్రెటీలు బయటికి వెళితే వారిని చూసిన వారు వాళ్ళని ఆశ్చర్యానికి గురి చేయడానికి ప్రయత్నిస్తారు. ఇటీవల రాజమౌళి, అతని భ్యార్య రమారాజమౌళి బరిస్తా కాఫీ షాప్లోకి వెళ్ళారు. ఆమె కోరినట్లుగానే ఆమెకి కాఫీ ఇచ్చారు. కానీ అందులో ఈగ ఉందట. అంతపెద్ద షాప్ లో ఈగ పడ్డ కాఫీని ఎలా ఈమెకు ఇచ్చారనేగా ? ఈమెకు ఈగ పడ్డ కాఫీనే ఇచ్చారు కానీ, నిజమైన ఈగ కాదండి. ఆ కాఫీ కప్పులోని నురుగతో ‘ఈగ’ అని అక్షరాలు రాసి కాఫీని సర్వ్ చేశారట.

దీంతో ఒక్కసారిగా థ్రిల్ కి గురైన వారు ఎంతో బాగుందని దాని ఫోటో తీసి మరీ ట్విట్టర్ లో పెట్టారట. అదీ మేటర్. ఈయన ’ఈగ‘ సినిమా తీయడం ఏంటో గానీ, నన్ను మాత్రం అందరు దోమలా వెంటాడుతున్నారని ఆమె అనుకుంటున్నారట.