Posted: 12/05/2011 05:44 PM IST

ద డర్టీ పిక్చర్ తో విద్యాబాలన్ ఒక కొత్త ట్రెండ్ ని సృష్టించిందని చెప్పుకోవచ్చు. కరీనా కపూర్ కూడా తను నటిస్తున్న హీరోయిన్ చిత్రంలో అదే శైలిలో రెచ్చిపోయి నటిస్తే ఎలా ఉంటుంది అని ఆలోచనలో పడటమే కాకుండా, మదుర్ బండార్కర్ నిర్మిస్తున్న హీరోయిన్ చిత్రంలో డర్టీ పిక్చర్ ని తలదన్నే సన్నివేశాలుండాలని కోరుకుంటోందట. దానికోసం దర్శకుడితో భేటీ అయిన కరీనా తన వైపు నుంచి కొన్ని సూచనలిచ్చిందని సమాచారం. అంతకు ముందు అటువంటి సన్నివేశాలున్న హీరోయిన్ సినిమాలోని ఘట్టాల విషయంలో నటించాలా వద్దా అని మీమాంసలో కొట్టుకుంటున్న కరీనా కపూర్, విద్యాబాలన్ కి వస్తున్న క్రేజ్ చూసి తనూ తీసిపోనని నిరూపించాలని అనుకుంటున్నదట. అందుకు తగ్గట్టుగా సన్నివేశాలు, సంభాషణలతో పాటు దుస్తులలో కూడా మార్పు కోసం కూడా తహతహలాడుతున్నదని వార్త గుప్పుమంటోంది. అంటే త్వరలోనే మరో సెగరగిలించే తార తెరమీదికి రాబోతున్నదన్నమాట.