ఏం జరుగుతుందో చూద్దాం ? షిండే

Posted: 12/10/2013 08:03 PM IST

రాష్ట్ర విభజన పై పార్లమెంట్ లో చర్చలు జరుగుతున్నాయి. అయితే దీనిపై సీమాంద్ర నాయకులు, తెలంగాణ నాయకులు పార్లమెంట్ గోల గోల చేస్తున్నారు. ఆంధ్ర ప్రదేశ్ విభజన చట్ట ప్రకారమే జరుగుతోందని కేంద్ర హోంశాఖ మంత్రి సుశీల్ కుమార్ షిండే చెప్పారు. ప్రస్తుతం జరుగుతున్న పార్లమెంటు సమావేశాల్లోనే తెలంగాణ బిల్లు ప్రవేశ పెట్టడానికి ప్రయత్నిస్తున్నామన్నారు. అసెంబ్లీ తీర్మానం చేయకపోయినా చట్ట ప్రకారం విభజనకు అవకాశం ఉందన్నారు. అసెంబ్లీ అభిప్రాయం చెప్పకపోతే కేంద్రం నిర్ణయం తీసుకుంటుందన్నారు అయితే ఏమి జరుగుతుందో వేచి చూడాలన్నారు.

 

ప్రస్తుతం రాష్ర్టపతి దగ్గర తెలంగాణ బిల్లు ఉందన్నారు. రాష్ర్టపతి అసెంబ్లీకి ఎప్పుడు పంపుతారో...ఎంత సమయం ఇస్తారో తెలీదన్నారు. రాష్ర్టాలు నిధులు ఇవ్వాల్సిన అవసరం లేదన్నారు. నిర్వాసితుల విషయాన్నీ కేంద్ర ప్రభుత్వమే పరిగణలోకి తీసుకుంటుందని పేర్కొన్నారు. 2004, 2009 కాంగ్రెస్ ఎన్నికల మ్యానిఫెస్టోలో తెలంగాణ అంశం ప్రస్తావించినట్లు గుర్తు చేశారు. పోలవరం ప్రాజెక్టు నిర్మాణం విషయం పూర్తిగా కేంద్ర ప్రభుత్వం చూసుకుంటుందన్నారు. తమ పార్టీ సభ్యులు ఇచ్చిన అవిశ్వాస తీర్మానంపై స్పీకర్ నిర్ణయం తీసుకుంటారని చెప్పారు.

 

నాలుగు రాష్ర్టాల ఎన్నికల్లో ప్రతికూల ఫలితాలపై అంతర్మథనం జరగాల్సి ఉందన్నారు. అయితే రాకీయ పార్టీలకు గెలుపోటములు సహజమే అన్నారు. కర్ణాటక, హిమాచల్ ఎన్నికల్లో కాంగ్రెస్ గెలిచిన విషయాన్ని ప్రస్తావించారు. ఢిల్లీలో కొత్త ప్రభుత్వం ఏర్పాటు విషయాన్ని లెఫ్ట్ నెంట్ గవర్నర్ చూసుకుంటారని ఒక ప్రశ్నకు సమాధానంగా చెప్పారు. ఆమ్ ఆద్మీ పార్టీకి విదేశీ నిధులు అందాయన్న అంశంపై ఢిల్లీ హైకోర్టు సూచన మేరకు విచారణ జరుగుతోందని దానిపై ఏమీ చెప్పలేనన్నారు.