నాకు అవంటే అస్సలు తెలియవు

Posted: 10/07/2013 06:07 PM IST

సినీ నటుడు కమల్ హాసన్ ఇండస్ట్రీకి వచ్చి ఐదు దశాబ్దాలు దాటి పోయింది. అయినా ఇప్పటికీ తన నటనతో ప్రేక్షకుల్ని అలరిస్తూనే ఉన్నారు. కానీ ఇప్పటికీ నటనే జీవితం, ప్రాణం. ఇవి తప్ప నా మనస్సు దేనిమీద లేదు. ఆరు పదుల వయస్సులో హాయిగా రెస్టు తీసుకోవాల్సిన ఈయన కొత్త కొత్త ప్రయోగాలు చేస్తున్నాడు. సాధారణంగా సినీ నటులు బాగా సంపాదించాకనో, వెండితెర పై అవకాశాలు తగ్గాకనో బిజినెస్ ల పై, రాజకీయాల పై ఆసక్తి చూపుతారు. ఇప్పటికే చాలా మంది నటులు రాజకీయాల్లోకి వచ్చి పదవులు కూడా అనుభవిస్తున్నారు. త్వరలో ఇంకొంత మంది రాజకీయాల్లోకి రాడానికి సిద్ధంగా ఉన్నారు. కానీ ఈ విలక్షణ నటుడు, కళాకారుడిగా తాను ఎంచుకున్న కళకు పూర్తి న్యాయం చేస్తున్న కమల్ ఓ మీడియా సమావేశంలో మాట్లాడుతున్నప్పుడు విలేఖర్లు అడిగిన ప్రశ్నకు సమాధానం ఇస్తూ...

నాకు రాజకీయాలంటే తెలియదు.. ఓటు హక్కును మాత్రమే వినియోగించుకోవడం  తెలుసు. తనకు పెరియా ర్, రామానుజం అంటే ఇష్టమని, వీరిలో ఒకరు దేవుడు లేడని, మరొకరు భగవంతుడున్నారని నమ్మారని  వీరి భావాలు వేరైనా లక్ష్యం ఒక్కటేనన్నారు. పెరియార్ సామాజికవాది అయితే గాంధీజీ అహింసా వాదిని అన్నారు. తనకు అంతకంటే రాజకీయూల గురించి, రాజకీయ నాయకుల గురించి తెలియదని స్పష్టం చేశారు.  ఇప్పుడు రాజకీయాల్లోకి వచ్చి ఆ బురదను నేను అంటించుకోవద్దని అనుకుంటున్నానని అన్నారు.

ఎంత ఎదిగిన ఒదిగి ఉండే కమల్ తాను ఎంతటి వాణ్ని కావడానికి ప్రేక్షకుల అభిమానమేనని తాను ఎప్పుడు వారికి రుణపడి ఉంటానని, ఎవరో నటులు రాజకీయాల్లోకి వచ్చారని వారిలా నేను రాజకీయాల్లోకి రావాలని అనుకోవడం లేదని, తన తన స్నేహితుడు అయిన రజినీ రాజకీయాల్లోకి వచ్చే విషయం పై తాను మాట్లాడదల్చుకోలేదని అన్నారు. తన సినిమాను అడ్డుకున్నప్పుడు భారత్ ని వదిలి వెళ్లిపోవాలని అనుకున్నానని, ఆ మాటల్ని నేను వెనక్కి తీసుకోలేని చెప్పారు. ప్రస్తుతం విశ్వరూపం 2 చిత్రంలో బిజీగా ఉన్న కమల్ త్వరలో దానిని ప్రేక్షకుల ముందుకు తెచ్చే ప్రయత్నంలో ఉన్నాడు. మరి కమల్ కి రాజకీయాలంటే చిరాకా ? లేక రాజకీయ నాయకుంటే చిరాకా ? మొత్తానికి కమల్ రాజకీయాల్లోకి రాడని తెలిసిపోయింది.