లగడపాటి అంటున్నది చిరునేనా ?

Posted: 10/05/2013 01:16 PM IST

విజయవాడ ఎంపీ లగడపాటి రాజగోపాల్ రాష్ట్ర విభజన వెనక కొందరు ముఖ్య నేతలు ఉన్నారని, అది సీమాంధ్ర ప్రాంతానికి చెందిన వారే అని, వారి ఇచ్చిన నివేదిక, స్వార్థం కోసం అధిష్టానానికి చెప్పిన కొన్ని మాటల వల్లే తెలుగు జాతిని విడగొట్టారని గత కొన్ని రోజుల క్రితం సంచలన వ్యాఖ్యలు చేసిన ఆయన తెలంగాణ పై నిర్ణయం వెలువడిన తరువాత తెలుగు జాతిని చీల్చడానికి నివేదికలు ఇచ్చిన సీమాంధ్ర ద్రోహుల పేర్లు టైం వచ్చినప్పుడు వెల్లడిస్తానని అన్నారు. ఆయన అన్నట్లు గానే దానికి సంబంధించిన చిన్న చిన్న క్లూలు ఇస్తున్నారుమీడియా సమావేశంలో మాట్లాడినప్పుడల్లా.

నిన్న మీడియా సమావేశంలో మాట్లాడుతూ... మరో హింట్ ఇచ్చారు. మన రాష్ట్రానికి చెందిన ముఖ్య నేత ఇటీవల సోనియాగాంధీని కర్ణాటకలోని మాండ్యలో ప్రత్యేకంగా కలిసి రాష్ట్రంలో జరిగిన ఓ సభ, ఉద్యమం తాలుకు పరిస్థితులను వివరించారని, ఆ నాయకుడి అభిప్రాయం ఆధారంగానే కాంగ్రెస్ హైకమాండ్ నిర్ణయం తీసుకుందని ఆ నేత ఇచ్చిన సమాచారం తర్వాతే ఢిల్లీలో పరిణామాలు వేగంగా జరిగాయని చెప్పారు. అంతకుముందు ‘నోట్ ’ ఆలోచన లేని కాంగ్రెస్ హైకమాండ్.. ఆ నేత సమాచారంతో టేబుల్ నోట్‌గా తెలంగాణ ఏర్పాటును ప్రస్తావించి ఆమోదించారని అంటున్నాడు లగడపాటి. మరి ఈయన వ్యాఖ్యలు చూస్తుంటే ఆ నేత ఎవరో కాదు కేంద్రమంత్రి, మెగాస్టార్ చిరంజీవి అనే అనుమాలు కలుగుతున్నాయి సీమాంధ్రులకు.

గతంలో కర్నాటక ఎన్నికల సమయంలో రాష్ట్రం నుంచి కొందరు నేతలు ప్రచారం చేశారు. వారిలో సోనియాగాందీతో కలిసి నివేదిక ఇచ్చిన ముఖ్య నేత చిరంజీవినే. మరి ఆయన అంటున్నంది పరోక్షంగా ఈయన్నేనా ? లేక మరే ఇతర నేతల్నా ? లగడపాటి ఉద్దేశ్యం ప్రకారం ఒక్క నాయకుడి అభిప్రాయాల్నే పరిగణలోకి తీసుకున్నారని అంటే, ఇతరపార్టీల నేతల అభిప్రాయాలు, కాంగ్రెస్ పార్టీ ఇతర నేతల అబిప్రాయాల్ని పక్కన పెట్టి నిర్ణయం తీసుకున్నారా ? ఏమైనా లగడపాటి వ్యాఖ్యలు ఆసక్తిని రేపుతున్నాయి.