జాతిని ఉద్దేశించి ప్రధాని ప్రసంగం...

Posted: 08/15/2013 11:48 AM IST

నేడు 67 వ స్వాతంత్ర్య దినోత్సవం సందర్భంగా భారత ప్రధాని డా. మన్మోహన్ సింగ్ ఈ రోజు ఉదయం ఢిల్లీలోని ఎర్రకోట పై ఎండా ఎగురవేసి దేశ ప్రజలకు స్వాతంత్ర్య దినోత్సవ శుభాకాంక్షలు తెలిపారు. అనంతరం జాతిని ఉద్దేశించి ప్రసంగిస్తూ... చిరునవ్వుల భారతాన్ని స్రుష్టించాలన్నదే తమ లక్ష్యమని దానిక కొసం నిరంతరం క్రుషి చేస్తున్నట్లు చెప్పారు. 1991 నుండి భారత్ అనేక సమస్యలు ఎదుర్కోవాల్సి వచ్చిందని, వాటిని నివారించడానికి ఎన్నో సంస్కరణలు తీసుకొచ్చినట్లు చెప్పారు. దేశంలో పేదలు అర్థాకలితో అలమటించకుండా ఆహార భద్రత బిల్లు రూపొందినట్లు, పార్లమెంటులో బిల్లు ఆమోదం పొందుతుందని ఆయన ఆశాభావం వ్యక్తం చేశారు. దేశంలో 11 మంది విద్యార్థులకు మధ్యాహ్న భోజనం అందిస్తున్నట్లు చెప్పారు. దేశంలో ఉన్నత విద్యాభివ్రుద్ధికి కొత్తగా ఐఐటీలు, ఎన్ఐటీలు ఏర్పాటు చేసినట్లు చెప్పుకొచ్చారు. ఇప్పటికీ దేశానికి ఎంతో చేసినా ఇంకా ఎంతోచేయాల్సి ఉందని అన్నారు. ఉపాధి హామీ పథకం ద్వారా దేశంలోని పేదలకు నిరంతరం పని లభిస్తుందని, యువతకు ఉపాధి కల్పించేందుకు నిరంతరం క్రుషి చేస్తున్నామని అన్నారు. ప్రపంచం తో పోలిస్తే ఆర్థిక మాంద్యం మన పై తీవ్రంగా ఉందని, అమెరికా, ఐరోపా మాంద్యం మన వ్రుధ్ది రేటును కుంగదీసిందని అన్నారు. అర్థిక వ్రుధ్దిని గాడిలో పెట్టేందుకు నిరంతరం క్రుషి ఉంటుందని తెలిపారు. ‘అందరికీ విద్య ’ నినాదంతో విద్యాహక్కు చట్టం తీసుకొచ్చినట్లు తెలిపారు. ఉత్తరాఖండ్, నిన్న జరిగిన సింధురక్షక్ దుర్ఘటనలో మరణించిన వారికి శ్రద్దాంజలి ఘటించారు. సహాయక చర్యల్లో సైన్యం పనితీరు భేష్ అని కొనియాడారు.