నిర్మాత రవిశంకర్ ప్రసాద్ మృతి

Posted: 07/14/2013 09:33 AM IST

యానాంలో జూలై 8 ఉదయం 4.00 గంటల లోపులోనే వాకింగ్ కి వెళ్ళిన ప్రఖ్యాత సినీ నిర్మాత, ఆనంద్ రిజెన్సీ హోటల్స్ అధినేత అక్కినేని రవిశంకర ప్రసాద్ ఆచూకీ నిన తెలిసింది.  నిన్న మధ్యాహ్నం మృతదేహంగా కనిపించి కుటుంబసభ్యులను దుఖ సాగరంలో ముంచెత్తారు.

తూర్పు గోదావరి జిల్లా ఐ పోలవరం లో ఆయన నడుచుకుంటూ వెళ్ళటం చూసామని కొందరు తెలియజేసారు.  గోగుల్లంక దగ్గర నదిలో తుప్పల్లో గుర్తుపట్టలేని విధంగా లభించిన  రవిశంకర్ మృతదేహాన్ని కుటుంబ సభ్యులు ఆయనదేనని ధృవీకరించారు.  రవి శంకర్ భార్య, రవి శంకర్ బంధువు అంజన్ కుమార్ కూడా ఆయన ఆత్మహత్య చేసుకునే అవసరమేమీ లేదని, ఆర్ధిక సమస్యలు ఎంతమాత్రం లేవని తెలియజేసారు.  చక్కెర వ్యాధి ఉన్న ఆయనకు ఉదయమే నడిచే అలవాటుంది.  రోడ్డు మీద ఎవరైనా వాహనంతో ఢీకొని ఆ విషయం పొక్కకుండా ఉండటం కోసం నదిలో పడవేసారేమో లేదా చక్కెర వ్యాధి వలన ఆయన పడిపోయారేమో అని అంటున్నారు.

కానీ హుటుహటిన ఆ స్థలానికి వెళ్ళిన యానాం, ముమ్మిడివరం పోలీసులకు రవిశంకర్ దేహం మీద గాయాలేమీ కనిపించలేదు.  అందువలన దీన్ని అనుమానస్పదమైన కేసుగానే పోలీసులు నమోదు చేసారు. 

సినిమా వ్యాపారంలో రవి శంకర్ ఎవరినీ నష్టపరచటం కానీ హాని చెయ్యటం కానీ జరగలేదని, ఆయనకి శత్రువులుండే అవకాశమే లేదని కుటుంబ సభ్యులు చెప్తున్నారు.  కుటుంబ సమస్యలు కానీ ఆర్థిక సమస్యలు అంతకంటే లేవని అందువలన అది హత్య కానీ ఆత్మహత్య కానీ అవటానికి అవకాశమే లేదని చెప్తున్నారు. 

పోస్ట్ మార్టం జరిగిన తర్వాత చెన్నైకి తరలంచి అంత్యక్రియలను అక్కడే చేస్తామని కుటుంబ సభ్యులు తెలియజేసారు.

మెగాస్టార్ చిరంజీవి హీరోగా రవి శంకర ప్రసాద్, శంకర్ దాదా, శంకర్ దాదా జిందాబాద్ చిత్రాలను, జెమినీ ఫిల్మ్ సర్క్యూట్ పతాకం కింద మరెన్నో సినిమాలను నిర్మించారు.

-శ్రీజ