రాజ్ నాథ్ విమర్శలు? చీమ కుట్టినట్లు

Posted: 06/03/2013 08:23 PM IST

బిజెపి రాజకీయ చరిత్రలో ఆడిన మాట తప్పిన దాఖలాలు లేవన్నారు. తెలంగాణ విషయంలో తామిచ్చిన మాటకు కట్టుబడి ఉన్నామన్నారు. భారతీయ జనతాపార్టీ అధికారంలోకి వస్తే తప్పకుండా తెలంగాణ ఇస్తామని రాజ్‌నాథ్ తెలిపారు.ప్రత్యేక తెలంగాణ రాష్ట్రం ఇవ్వాల్సిన అవసరం ఉందని భారతీయ జనతాపార్టీ జాతీయ అధ్యక్షుడు రాజ్‌నాథ్ సింగ్ పేర్కొన్నారు. యూపిఏ కామన్ మినిమమ్ ప్రోగ్రాంలో తెలంగాణపై హామీ ఇచ్చిందని, ఇచ్చిన హామీని ఎట్టి పరిస్థితుల్లోను నిలబెట్టుకోవాలని అన్నారు.

జాతీయ పార్టీలతోనే చిన్న రాష్ట్రాల ఏర్పాటు సాధ్యమవుతుందని ఆయన అన్నారు పొరుగు దేశాలతో సత్సంబంధాలు దెబ్బతిన్నాయన్నారు. చైనా దళాలు మన భూభాగంలోకి చొచ్చుకు వచ్చినా చీమ కుట్టినట్లు కూడా ప్రభుత్వానికి లేదన్నారు. ఏం చేయలేని పరిస్థితిలో ఉందన్నారు. షల్మాన్ ఖుర్షీద్ చైనా పర్యటనకోసం వెంపర్లాడుతున్నారని ఆయన విమర్శించారు. మావోయిస్టుల సమస్య పరిష్కారానికి యుపీఏ ప్రభుత్వం ప్రయత్నించడంలేదని, ఛత్తీస్‌గఢ్‌లో జరిగిన మావోయిస్టుల దాడి ఘటనను రాష్ట్ర ప్రభుత్వం పైకి నెట్టే ప్రయత్నాలు చేస్తోందన్నారు.

ఈ ఘటనను రాజకీయం చేసే ప్రయత్నాలు చేస్తోందని, అన్ని అంశాలలో కల్లిబొల్లి మాటలతో ప్రజలను మభ్యపెట్టాలనే ప్రయత్నాలు చేస్తోందని రాజ్‌నాథ్ ధ్వజమెత్తారు. ఈ సందర్భంగా తెలంగాణ నగారా సమితి అధ్యక్షుడు, నాగర్ కర్నూల్ శాసనసభ్యుడు నాగం జనార్ధన్‌రెడ్డి తన పార్టీని బీజేపీలో విలీనం చేయనున్న విషయం తెలిసిందే. ఈ కార్యక్రమంలో బీజేపీ నేతలు రాష్ట్ర అధ్యక్షుడు కిషణ్‌రెడ్డి, జాతీయ ఉపాధ్యక్షుడు బందారు దత్తాత్రేయ, రాజ్యసభ సభ్యుడు వెంకయ్యనాయుడు తదితరులు పాల్గొన్నారు.