మహేష్ కొత్త సినిమా టైటిల్

Posted: 05/29/2013 09:47 AM IST

మహేష్ బాబు, సుకుమార్ కాంబినేషన్లో రూపొందుతున్న సినిమా పై అభిమానుల్లో ఇప్పటికే భారీ అంచనాలు ఏర్పడ్డాయి. అయితే ఈ సినిమా ఫస్ట్ లుక్ ఈ నెల 31 తేదీన విడుదల కాబోతున్నా ఈ సినిమాకు ఇంత వరకు టైటిల్ ఫిక్స్ కాలేదు. అంతే కాకుండా ఈ సినిమాకు సంబంధించి రోజుకో టైటిల్ తెర పైకి రావడంతో ఆయన అభిమానులు ఏది నిజమో, ఏది అబద్దమో తెలియక అయోమయంలో ఉన్నారు. తేదీ దగ్గర పడటంతో ఈ సినిమా టైటిల్ ని దర్శక నిర్మాతలు ఫైనల్ చేసినట్లు తాజాగా వార్తలు వస్తున్నాయి. నిన్నటికి నిన్న ఈ సినిమా టైటిల్ గా ‘కొలంబస్ ’ అనే టైటిల్ ఖరారుచేసినట్లు వార్తలు వచ్చాయి. కానీ తాజాగా ఈ చిత్రానికి ఈ చిత్రానికి ‘నేనొక్కడినే' అనే టైటిల్ ని దర్శకుడు సుకుమార్‌, నిర్మాతలు ఖారారు చేసినట్లు వార్తలు. ఈ టైటిల్ పట్ల చిత్రయూనిట్ సభ్యులు, మహేష్, దర్శక నిర్మాతలు కూడా సుముఖంగా ఉన్నట్లు తెలుస్తుంది. దీని పై అఫీషియల్ ప్రకటనే తరువాయి అని తెలుస్తుంది. 14 రీల్స్ ఎంటర్‌టైన్‌మెంట్ పతాకంపై రామ్ ఆచంట, గోపీచంద్ ఆచంట, అనిల్ సుంకర నిర్మిస్తున్న ఈ చిత్రం షూటింగ్ ప్రస్తుతం హైదరాబాద్ అల్యుమినియం ఫ్యాక్టరీలో జరుగుతోంది. అక్కడ రాత్రి వేళల్లో పోరాట సన్నివేశాలను చిత్రీకరిస్తున్నారు. ఏది ఏమైనా ఫైనల్ టైటిల్ కోసం ఈనెల 31 వరకు ఆగాల్సిందే.