'ఆణిముత్యానికి ' నిలువెత్తు నిదర్సనం

Posted: 05/20/2013 03:41 PM IST

నందమూరి' అభిమానులందరూ , ఇవాళ పండుగ గా జరుపుకునే రోజు . తమ అభిమాన హీరో , 'అన్న' గారి పోలికలు తన ముఖం లో , నటనలో మునికి పుచ్చుకుని , మాస్ , క్లాస్ ప్రేక్షకులను సైతం అమితంగా ఆకట్టుకుని , 13 ఏళ్ళ సినిమా కారియర్ లో ఎన్నో విజయాలు , కొన్ని అపజయాలు చవి చూసి , ప్రతీ సారి , చెక్కు చెదరని ఆత్మ విశ్వాసంతో ముందుకు సాగిపోతున్న నటుడు , తాతకు తగ్గ మనవడు అని నిస్సందేహంగా నిరూపించిన యంగ్ టైగర్ యన్ . టీ . ఆర్ . పుట్టిన రోజు ఈ రోజు . ఈ సంవత్సరం ఈ యువ హీరో 30 వ ఏట అడుగుపెడుతున్నాడు .

'నిన్ను చూడాలని ' చిత్రం తో , బాల నటుడిగా 'రామాయణం ' లో రాముడి గా , విశ్వ విఖ్యాత నట సార్వభౌముడే , చిన్న పిల్లవాడి రూపం లో వచ్చారా అన్న చందంగా నటించిన యన్ . టీ . ఆర్. హీరో గా తెలుగు సినీ రంగం లో తన ప్రస్తానం ప్రారంభించి , 13 ఏళ్ళు గడిచిపోయింది . ఈ సమయం లో 21 సినిమాల్లో నటించారు ఈ హీరో . ఇందులో , 'ఆది' , 'సింహాద్రి ' , 'యమదొంగ ' , ' బృందావనం', 'అదుర్స్ ' ఈ సంవత్సరం విడుదల అయ్యి ఘన విజయం సాధించిన 'బాద్షా' వంటి సినిమాలు ఉన్నాయి , ఫ్లాపులు గా మిగిలిన 'ఆంద్రా వాల ' , అంతంత మాత్రం గా ఆడిన 'ఊసరవెల్లి ' , 'దమ్ము' వంటి చిత్రాలు కూడా ఉన్నాయి .

హిట్లు - ఫ్లాపులతో సంబంధం లేకుండా , ఈ హీరోకి ఎన్నటికీ తరగని చెరగని ప్రేక్షక ఆదరణ ఉంది ... ఇదే తన బలంగా , వరుస సినిమాల తో ముందుకు దూసుకుపోతున్నాడు , యన్ . టీ . ఆర్. ఇప్పటికే , 'బాద్షా' తో ఈ సంవత్సరం హిట్ కొట్టిన ఈ హీరో , హరీష్ శంకర్ దర్శకత్వం లో 'రామయ్య వస్తావయ్య' లో నటిస్తున్నాడు . ఈ రోజు ఈ చిత్రం టీజర్ ని విడుదల చేసారు ఈ చిత్ర నిర్మాత దిల్ రాజు . ఇక 'నందమూరి ' అభిమానులని అమితంగా ఆకట్టుకుని , ఈ చిత్రం మీద కూడా భారీ అంచనాలు పెంచేలా చేసింది ఈ టీజర్ . తన అన్ని చిత్రాల్లో లాగే , ఈ చిత్రం లో కూడా యన్ . టీ . ఆర్ . మార్కు నటన , డైలాగులు , ప్రేక్షకులకు కావలసినంతగా ఉంది అని చెప్పకనే చెబుతోంది ఈ సినిమా టీజార్ ద్వారా . ఇక నేఁ , ఈ చిత్రం కూడా హిట్ గా నిలిస్తే , 2013 ఈ హీరోకి మరువలేని సంవత్సరం గా నిలిచిపోతుంది .

ఇటు హీరోగానే కాక , ఇటు తన తాత ప్రారంభించిన 'తెలుగుదేశం ' పార్టీ ప్రచార కర్తగా , పార్టీ లో ముఖ్య సభ్యుడిగా , యన్ . టీ . ఆర్. అడుగులు ముందుకు వేస్తున్నారు .

కేవలం నటన , ఆహార్యంలోనే కాక , ఒంట్లో ఉన్నావి ఎముకలా , స్ప్రింగులా అనిపించేంతగా ఉండే ఈ నటుడి డ్యాన్స్ , అన్ని వర్గాల వారినీ ఆకట్టుకోవడమే కాక 'నందమూరి' నట వారసత్వాన్ని ఇంకొక మెట్టు పైకి తీసుకెళ్ళేవిధంగా ఉంటుంది , యంగ్ టైగర్ డ్యాన్స్ .

2013 ఈ నటుడికి విజయ సంవత్సరం కావాలని , మరింత పేరు ప్రతిష్టలతో ఈ నటుడు తెలుగు సినీ వినీలాకాసం లో ఒక 'ఆణిముత్యం ' గా వెలగాలని ఆకాంక్షిస్తోంది తెలుగువిశేష్ ...