Posted: 03/31/2013 04:07 PM IST

ఈరోజు రాష్ట్రమంతటా భానుడి ప్రకోపాన్ని చవిచూసింది.

ఎండలు మండే రోజులు వచ్చాయనిపించింది ఈ రోజు పెరిగిపోయిన ఉష్ణగ్రత చూస్తుంటే.   కడపలో గరిష్ట ఉష్ణోగ్రత ఈ రోజు 41 డిగ్రీలకు చేరి రాష్ట్రంలో అత్యధిక ఉష్ణోగ్రత నమోదయింది. రెండవ స్థానంలో నంద్యాల, కర్నూలు, అనంతపురం, రెంటచింతల, హన్మకొండలలో 40 డిగ్రీల అత్యధిక ఉష్ణోగ్రత నమోదయింది.

నిజామాబాద్, మహబూబ్ నగర్ లు 39 డిగ్రీల అత్యధిక ఉష్ణోగ్రత చూపించగా, హైద్రాబాద్, రామగుండం, తిరుపతి, అదిలాబాద్ లలో 38 డిగ్రీల అత్యధిక ఉష్ణోగ్రత నమోదయింది. ఎప్పుడూ అధిక ఉష్ణోగ్రతలను చూపించే విజయవాడ, భద్రాచలం ఈ రోజు 37 డిగ్రీల అత్యధిక ఉష్ణోగ్రతను నమోదుచేసాయి. నందిగామ, నెల్లూరు, తుని, విశాఖపట్నం, నల్గొండలు కూడా 37 డిగ్రీల అత్యధిక ఉష్ణోగ్రతనే చూపించాయి.

ఒంగోలు, కావలి, హకీంపేటలలో అత్యధిక ఉష్ణోగ్రత 36 డిగ్రీలుగా నమోదవగా, కాకినాడ ఈ రోజు అన్ని ప్రాంతలలోకీ తక్కువ గా 35 డిగ్రీల ఉష్ణోగ్రతను నమోదుచేసింది.

ఈ రోజు ఆదివారం కాబట్టి సరిపోయింది. రేపటి నుంచి జాగ్రత్తగా ఉండాలి సుమా వేసవి నడినెత్తికి వచ్చేసిందన్న సంకేతాలిస్తోంది ప్రకృతి.