Posted: 03/21/2013 04:56 PM IST

తెలుగుదేశం పార్టీ సీనియర్ శాసనసభ్యుడు, తెలంగాణ టిడిపి ఫోరం కన్వీనర్ ఎర్రబెల్లి దయాకర రావు ముఖ్యమంత్రి కిరణ్ కుమార్ రెడ్డి పై అసెంబ్లీలో తీవ్రమైన స్థాయిలో మండి పడ్డారు. మొన్న టీఆర్ఎస్ పార్టీ పెట్టిన అవిశాస తీర్మానం సందర్భంగా ముఖ్యమంత్రి కుమార్ రెడ్డి తెలంగాణ ప్రాంతానికి ఒక్క పైసా కూడా ఇవ్వం... ఏం చేసుకుంటారో చేసుకోండి అని వ్యాఖ్యానించిన విషయం తెలిసిందే. ఈ వ్యాఖ్యల పై ఎర్రబెల్లి తీవ్రంగా స్పందించారు. ప్రభుత్వ ఖజానా ఏమైనా ముఖ్యమంత్రి జాగిరా ఇవ్వకపోవడానికి, అది ప్రజల సొమ్మేనని, ముమ్మాటికి అన్ని ప్రాంతాలకు సమానంగా వాటా వస్తుందని ఆయన స్పష్టం చేశారు. తెలంగాణ రాజకీయ ఐక్యకార్యాచరణ సమితి చేపట్టిన సడక్ బంద్ కార్యక్రమానికి కిరణ్ కుమార్ రెడ్డి ప్రభుత్వం అనుమతివ్వక పోవడంపై కూడా మండిపడ్డారు. సడక్ బంద్ కార్యక్రమానికి ఎందుకు అనుతివ్వలేదో చెప్పాలని ప్రశ్నించారు. కార్యక్రమంలో పాల్గొన్న తెలంగాణవాదులను, ఎమ్మెల్యేలను అరెస్టు చేయడం సరికాదన్నారు. తెలంగాణవాదులపై ప్రభుత్వం కఠిన వైఖరి అవలంబిస్తోందని ఆగ్రహం వ్యక్తం చేశారు. సీఎం వ్యాఖ్యలను బట్టి సీమాంధ్రులు తెలంగాణ వాదుల పై ఎంతటి వ్యతిరేఖ భావంతో ఉన్నారో ఉన్నారో అర్థం అవుతుందని అన్నారు.