Posted: 03/06/2013 12:05 PM IST

మరో మూడు  నెలల్లో  బెయిల్ పై  బయటకు వస్తానని  దిల్ సుఖ్  నగర్ బాంబు పేలుళ్లలో  కీలక  సూత్రదారి సయీద్ మక్బూల్  అన్నారు. కేవలం మూడు నెలల వ్యవధిలోనే  తప్పకుండా  తిరిగి వస్తానని కరడు కట్టిన  ఉగ్రవాది  మక్బూల్  మీడియాతో  అన్న మాటలివి.  అచ్చ తెలుగులో మక్బూల్  మీడియాకు తెగేసి చెప్పిన మాటలివి.  చిరునవ్వు చిందిస్తూ..  లేని హుషారును  నటిస్తూ  హైదరాబాద్ కు  చెందిన ఉగ్రవాది  మక్బూల్  వ్యాఖ్యలు  తీవ్ర సంచలన  రేపుతున్నాయి.  కేవలం  మూడు నెలల్లో  కటకల నుంచి  బయటికి వస్తానని  చెప్పడం వెనుక  సదరు ఉగ్రవాది   ధీమా అర్థం కావడం లేదు.  పాటియాల కోర్డులో దూరంగా ఉన్న  మీడియాను   మరి దగ్గరకు  పిలిపించుకుని  మక్బూల్  తన  సందేశాన్ని  అచ్చ తెలుగులో  ‘వస్తా.. మూడు నెలల్లో  వచ్చేస్తా’  .. అని చెప్డంతో  ఎస్ ఐ ఎ  అధికారులు  వీస్తుపోయారు.  ఇదిలావుండగా దిల్ సుఖ్  నగర్ బాంబు  పేలుళ్లకు  కుట్ర  పాకిస్థాన్ , దుబాయ్ లలో  జరిగిందని  జాతీయ  దర్యాప్తు సంస్థ  నిర్థారణకు వచ్చింది.,  ఈ పేలుళ్ల వెనక పాకిస్థాన్  హస్తం  ఉందని  దర్యాప్తు  సంస్థ  అనుమానిస్తోంది. 

బాంబు  పేలుళ్లకు  తెగబడింది ఇండియన్ ముజా యిదీన్  సంస్థేనని ఎన్ ఐఎ  ఢిల్లీ  కోర్టుకు  ఇచ్చిన నివేధికలో  పేర్కొంది.  ఆ సంస్థ ముఖ్యనేత  రియాజ్  భత్కల్  ఆదేశాలతో  ఆ సంస్థ సభ్యుల కమిటి  బాంబు  పేలుళ్లలో  పాల్గొన్నారన్న నిర్ణయానికి  వచ్చారు.  ఈక్రమంలో  అనతికాలంలో  ఉగ్రవాదులను  అదుపులోకి  తీసుకునేందుకు  పాకిస్థాన్  ప్రభుత్వానికి  లేఖరాయనున్నట్లు  సమాచారం.  ఇరుదేశాల మధ్య సత్సంబంధాలు  కొనసాగాలంటే భత్కల్  బ్రదర్స్ ను  అప్పగించాలని  భారత ప్రభుత్వ  పాకిస్థాన్  రక్షణ మంత్రికి లేఖ రాయాలని  ఎన్ ఐ ఎ  ఉన్నతాధికారులు  సూచించినట్లు  సమాచారం.