Posted: 02/25/2013 04:50 PM IST

దిల్ సుఖ్ నగర్  బాంబులు పేలుడు  గాయం ఇంక మానకముందే. నగరం వాసులకు మరో భయం పట్టుకుంది. దిల్ సుఖ్  నగర్ లో బాంబులు పేల్చింది మేమే?  అనే వార్తలు నగరంలో హాట్ న్యూస్ గా మారింది. అంతేకాదు .. మా తరువాత టార్గట్  .. బేగం బజార్? అని ఉగ్రవాదులు ఒక లేఖ రాసినట్లు  సమాచారం.  ఆ లేఖ రాసింది  లష్కరే తొయిబా..హైదరాబాద్ లో మరిన్ని  పేలుళ్లకు  పాల్పడతామని  అందులో  హెచ్చరించారు.  అయితే ఈ లేఖ  భారతీయ జనతా పార్టీ రాష్ట్ర  అధ్యక్షులు  కిషన్ రెడ్డికి రావటం విశేషం.  ఎమ్మెల్యే కిషన్ రెడ్డి పోలీసులకు ఈ సమాచారం ఇవ్వటం జరిగింది.  ఈ లేఖ పై వాస్తవం  ఎంత అనేది  పోలీసులు కనుగోనే పనిలో బిజీగా ఉన్నారు.  బీజేపి  నాయకుడు కిషన్ రెడ్డి మాత్రం  ఇది ఆకాతాయిల పనే కావొచ్చునని అంటున్నారు.  అయితే ఆ లేఖ పరిశీలించిన పోలీసులు  ఇది లష్కరే  తొయిబా తీవ్రవదులే పంపించి ఉంటారని  భావిస్తున్నారు.  దీంతో  నగరంలో  మరోసారి  మారణహోమం  జరిగే  ప్రమాదం  లేకపోలేదనే  సంకేతాలు   వెలువడుతున్నాయి.  ఈ విషయం తెలుసుకున్న  బేగం బజార్ వాసులకు  టెన్షన్  మొదలైంది. ఎప్పుడు ఏ క్షణాన ఏం జరుగుతుందో ..ఏ వైపు నుంచి బాంబులు వచ్చిపడతాయోనన్న  టెన్షన్ తో  క్షణమొక యుగంగా గడుపుతున్నారక్కడి జనం. 

ఉగ్రవాదుల అడ్డాగా మారిన  హైదరాబాద్ లో  అక్రమంగా  నివసిస్తున్న  విదేశీయుల వివరాలను  ప్రభుత్వం బయటపెట్టాలని  కిషన్ రెడ్డి  డిమాండ్  చేశారు.  వీరికి  పాస్ పోర్టులు , ఓటరు ఐడీ కార్డులు ,  రేషన్ కార్డులు , బ్యాంకు అకౌంట్లు  ఎక్కడి నుంచి వస్తున్నాయని  ఆయన ప్రశ్నించారు.  ఈ లేఖతో అప్రమత్తమైన పోలీసులు  భద్రతాబలగాలు  అక్కడ హై అలర్డ్ ప్రకటించి ముమ్మరంగా తనిఖీలు చేపడుతున్నారు.  మన నగరం బాంబుల మోతకు కారణం ఎవరు ? మనమే.  పోలీసులు  ఉన్నార్లే అన్నీ వాళ్లే చూసుకుంటారు అనే మన బలహీనతకు నిదర్శనం దిల్ సుఖ్ నగర్ బాంబు పేలుళ్లు. ఇలాంటి విషయంలో పోలీసులే కష్టపడాలా? మనం సుఖంగా ఇంట్లో ఉండాలా?  మనం కూడా పోలీసులకు  హెల్ప్  చేద్దాం.  మన నగరాన్ని కాపాడుకుందాం.  హైదరాబాద్ ప్రజలారా  పోలీసులకు సహకరించండి? మీచుట్టు జరిగే ఉన్న పరిసరాలను ప్రతి నిమిషం గమనిస్తూ,  అనుమానం వస్తే.. పోలీసులకు చెప్పండి? ఆ ఒక్క పని చేస్తే.. మీరు కొన్ని వందల మంది ప్రాణాలు కాపాడినట్లే. మరోసారి ఇలాంటి వాటికి మనం అవకాశం ఇవ్వొద్దు? ఏదో జరిగిన తరువాత బాధపడటం సహజం,కానీ ముందుగా ఏమీ జరకుండా చూడటం మన కనీస ధర్మం.  హైదరాబాదును కాపాడుకుందాం .. అందరం హయిగా జీవిద్దాం.  నగర వాసులు బీ కేర్ పుల్ ....