Posted: 02/23/2013 07:23 PM IST

బాంబు దాడి పై కేంద్ర ప్రభుత్వం, రాష్ట్రం ప్రభుత్వం తర్వగా  స్పందించాయి.   దిల్ సుఖ్ నగర్  బాంబుల దాడి  జరిగిన సంఘటన పై  కేంద్ర హోం మంత్రి  సీరియస్ గా స్పందించారు. వెంటనే  హైదరాబాద్ లో  సీసీ  కెమెరాలు ఏర్పాటు చేయాలని ఆయన సూచించారు.    దిల్ సుఖ్ నగర్ బాంబుల దాడిని సీ.. సీ.. కెమెరాల్లో ద్వారా నిందుతులను పట్టుకోవాలని .. ఆవేశంగా వెళ్లి చూసిన  పోలీసులకు సీ..సీ. కెమెరాలు షాక్ ఇచ్చాయి.  పోలీసులు చిరాకుతో.. ఛీచీ.. అంటే ఛీ..ఛీ కెమెరాలును తిట్టుకుంటూ బయటకు రావటం జరిగింది. హైదరాబాద్‌లో జరిగిన బాంబు పేలుళ్ల దుర్ఘటనలో కొంత ఫుటేజి దొరికినా నిఘా నేత్రాలు మరింత బలపడాలని రాష్ట్ర ప్రభుత్వం భావిస్తున్నది. ముందు నిఘా వ్యవస్థను మరింత పటిష్ఠపరచడానికి వీలుగా అత్యాధునిక సి.సి. కెమేరాలను పోలీసు వ్యవస్థకోసం సమకూర్చాలని ప్రభుత్వం భావిస్తున్నది. మొత్తం రూ.450 కోట్లతో హైదరాబాద్‌లో అత్యాధునిక సి.సి. కెమేరాల ఏర్పాటుకు ముఖ్యమంత్రి అంగీకరించారని హోం మంత్రి సబితా ఇంద్రారెడ్డి ప్రకటించారు. హైదరాబాద్ నగరంలో మొత్తం 3500 కెమేరాలు అమర్చాలని ప్రభుత్వం నిర్ణయించింది.

ఆరు నెలల వ్యవధిలోనే ఈ కెమేరాలను అన్ని ముఖ్యమైన కూడళ్లలోనూ, సున్నితమైన ప్రాంతాలలోనూ అమరనున్నట్టు ఆమె వివరించారు. సినిమా హాళ్లు, మాల్స్, ఆస్పత్రులలోనూ, ఇంకా ఇతర ముఖ్యమైన ప్రాంతాలలోనూ సి.సి. కెమేరాల ఏర్పాటు తప్పనిసరి చేస్తూ త్వరలో చట్టం కూడా చేయనున్నట్టు ఆమె వెల్లడించారు. హైదరాబాద్‌లో జరిగిన బాంబు పేలుళ్ల దుర్ఘటనలో నిఘా వ్యవస్థ వైఫల్యం ఏమీ లేదని ఆమె చెప్పారు. బాంబు పేలుళ్లకు పాల్పడి అమాయకుల ప్రాణాలు బలిగొన్న వారిని త్వరలోనే పట్టుకుంటామని ఆమె తెలియజేశారు. ఈ పేలుళ్లలో గాయపడినవారందరికీ మంచి వైద్యం అందిస్తున్నామని హోం మంత్రి తెలియజేశారు. వైద్యులు అన్ని రకాలుగా గాయపడినవారికి చికిత్స చేస్తున్నారని ఆమె చెప్పారు. క్షతగాత్రులకు మెరుగైన చికిత్స అందించడానికి ప్రభుత్వం వెనుకంజ వేసే ప్రసక్తే లేదని ఆమె తెలియజేశారు.  మరోసారైన .. మన పోలీసులకు. ఛీఛీ.. టీవీలు నిందుతులను పట్టించాలని కోరుకుందాం.