Posted: 02/06/2013 12:57 PM IST

1971లో 'హల్‌చల్ ', 'హంగామా' సినిమాలతో కెరీర్ మొదలుపెట్టిన జీనత్.. 'హరే రామ హరే కృష్ణ' సినిమాతో రాత్రికిరాత్రి స్టార్ అయిపోయింది. బాలీవుడ్ లో "దమ్ మారో దమ్..'', "చురాలియా హై తుమ్‌నేజో దిల్‌కో..'' అంటూ అప్పటి ఒకతరం ప్రేక్షకుల్ని తన హొయలతో ఉర్రూతలూగించిన బ్యూటీ జీనత్ అమన్ గుర్తుందా ? ఈ అమ్మడుని అంత తొందరగా మరచిపోరు సినీ జనాలు. ఇప్పుడు ఈ అమ్మడు వయస్సు 60 సంవత్సరాలు. ఈ వయస్సు అయిపోయిన బ్యూటీ గురించి ఎందుకనుకుంటున్నారా ? వయస్సు అరవై అయినా, అందం మాత్రం ఇరవయ్యే. ఏమాత్రం చెక్కుచెదరని ఈ ఆంటీకి ఇప్పుడు కోరికలు కలిగాయి. అదే పెళ్ళి చేసుకోవాలని.  జీనత్ అమన్ (62) లేటు వయసులో మళ్లీ పెళ్లికి సిద్ధమైంది. మరి ఈమెకు పెళ్ళి కాలేదా అంటే అయింది. 1985లో సహనటుడు మజర్‌ఖాన్‌ను వివాహం చేసుకుంది.ఆ దంపతులకు ఇద్దరు పిల్లలు కూడా. ఆ పిల్లల వయస్సు ఒకరికి 26 ఏళ్ళు, మరొకరికి 23 ఏళ్ళు. 

1998 మఝర్ ఖాన్ చనిపోయాడు. ఆ తరువాత నుండి ఒంటరిగా హాయిగా జీవితాన్ని గడుపుతున్న ఈ అందాల సుందరిని ఓ 36 ఏళ్ళ యువకుడి పై మనసు పారేసుకుంది. మనస్సు పారేసుకోవడమే కాదు... మనువు ఆడబోతుంది కూడా. తనకన్నా 26 ఏళ్లు చిన్నవాడైన ముంబై వ్యాపార వేత్తతో ఏడడుగులు నడవబోతోంది. తాను ముంబైకి చెందిన వ్యాపారవేత్త అని, తాను భారతీయుడేనని చెప్పిన ఈమె ఈ విషయాన్ని తన పిల్లలతో చెబితే... తన నిర్ణయానికి వారెంతో ఆనందించారని వివరించింది. అయితే ఇంత లేటువయస్సులో కూడా ఈమెకు ఇంకా కోరికలు చావలేదని బాలీవుడ్ జనం అనుకుంటున్నారు.