Posted: 11/28/2012 07:21 PM IST

 వైకాపా నేత షర్మిల పై తెలంగాణ జాగ్రుతి అధ్యక్షురాలు కవిత  నిప్పులు చెరిగారు.  తెలంగాణపై  ఇప్పటి వరకూ  స్పష్టమైన వైఖరి చెప్పకుండా వైకాపా నేతలు అడ్డగోలు వాదనలు  చేస్తున్నారని  ఆమె మండిపడ్డారు.  ప్రాణహిత – చేవెళ్ల ప్రాజెక్టును  రూ. 17 వేల కోట్లతో నిర్మిస్తామని  చెప్పి, మూడు నెలల్లో  అంచనా వ్యయాన్ని  38 వేల కోట్లకు పెంచినప్పుడు  ఆనాటి ముఖ్యమంత్రి  వైఎస్ కు వచ్చిన వాటా ఎంతో చెప్పాలని  కవిత డిమాండ్ చేశారు.  వై.ఎస్.రాజశేఖరరెడ్డి హయాంలో అవినీతి జరిగిందో లేదో చర్చకు షర్మిల సిద్దమా అని కవిత సవాల్ చేశారు. కెసిఆర్ షర్మిల కాళ్లు పట్టుకుంటారో, తెలంగాణ ప్రజలు షర్మిల పీక పట్టుకుంటారో తేలుతుందని ఆమె అన్నారు. బయ్యారం గనులలో షర్మిలకు వాటా ఉందని కెసిఆర్ సూర్యాపేట సమరబేరీలో అనడంపై షర్మిల స్పందించి తనకు వాటాలు లేవని, తనకు వాటా లేదని తేలితే కెసిఆర్ తన కాళ్లు పట్టుకుని క్షమాపణ చెబుతారా అని ఆమె సవాల్ చేశారు. దీనిపై టిఆర్ఎస్ నేతలు మండిపడుతున్నారు. అందులో భాగంగానే కవిత కూడా ఈ సవాల్ చేశారు. నిజంగానే ఈ ఇద్దరు మహిళలు చర్చలో పాల్గొంటే రసవత్తరంగా ఉంటుంది.కానీ అది జరిగే అవకాశం తక్కువ. అయితే కవిత ఇంతకీ బయ్యారం గనులలో షర్మిలకు వాటా ఉందని రుజువు చేయడానికి సిద్దమో ?కాదో చెప్పవలసి ఉంటుంది. అదే సమయంలో షర్మిల కూడా తాను కొత్త గా రాజకీయాలలోకి వస్తున్నానన్న సంగతిని గుర్తుంచుకుని పదజాలం వాడేటప్పుడు కొంచెం నిగ్రహంగా ఉంటే మంచిది. వైఎస్ అవినీతిపై  చర్చించడానికి  తాను సిద్దమని  షర్మిలాకు సవాల్ విసిరారు.