Posted: 10/02/2012 07:20 PM IST

పిసీసీ అధ్యక్షుడు బొత్స సత్యనారాయణ  తెలుగుదేశం పార్టీ అధినేత నారా చంద్రబాబు నాయుడు చేస్తున్న పాదయాత్రకు బొత్స పేరు పెట్టినట్లు తెలుస్తోంది. వస్తున్నా మీకోసం  అని చంద్రబాబు పాదయాత్ర చేస్తుంటే  కాంగ్రెస్ నాయకుడు బొత్స మాత్ర పాద యాత్ర కొత్త పేరు సూచినట్లు కాంగ్రెస్ నాయకులు  చెబుతున్నారు. తెలుగుదేశం పార్ట అధ్యక్షుడు నారా చంద్రబాబు నాయుడు తాను తలపెట్టిన పాదయాత్రకు వస్తున్నా నా కోసం అని నామకరణం చేస్తే బాగుండేదని పిసిసి అధ్యక్షుడు బొత్స సత్యనారాయణ ఎద్దేవా చేశారు. ప్రజలు బాబును నమ్మడం లేదని, ఆయన ప్రజల విశ్వసనీయత కోల్పోయారని, వాపును చూసుకొని బలుపు అనుకునే వైఖరి తెలుగుదేశం పార్టీది అని విమర్శించారు. చంద్రబాబు అధికారం కోసమే పాదయాత్ర తలపెట్టారన్నారు. ఆయన యాత్రను ప్రజలే పట్టించుకోవడం లేదని, తాము ఎందుకు పట్టించుకుంటామన్నారు. ఆయన యాత్రను అడ్డుకోవాల్సిన అవసరం కాంగ్రెసుకు ఎంతమాత్రమూ లేదన్నారు. కాంగ్రెసు సాధించిన ప్రగతి పైన ఎక్కడైనా చర్చకు తాను సిద్ధంగా ఉన్నానని అన్నారు. బాబు తీరు పులిని చూసి నక్క వాతలు పెట్టుకున్నట్లుగా ఉందని విమర్శించారు. రాజకీయ లబ్ధి కోసమే ఆయన పాదయాత్ర చేపట్టారని, కానీ ప్రజలు ఆయనను నమ్మడం లేదన్నారు. బాబుతో వేలెత్తి చూపించుకునే స్థితిలో తమ పార్టీ లేదన్నారు. ముఖ్యమంత్రిపై మంత్రులకు ఎలాంటి ఆవేదన, ఆందోళన లేదన్నారు. ఎన్ని ఇబ్బందులు ఎదురైనా తెలంగాణపై అధిష్టానం నిర్ణయానికి కట్టుబడి ఉంటామని చెప్పారు. ముఖ్యమంత్రిని విమర్శించవద్దని తాను కరీంనగర్ పార్లమెంటు సభ్యులు పొన్నం ప్రభాకర్, ఇతర నేతలకు సూచించానని చెప్పారు. తమ పార్టీ అధ్యక్షురాలు సోనియా గాంధీకి ఎవరైనా లేఖలు రాయవచ్చునని ఆయన చెప్పారు. బాబు పాదయాత్రపై తొలి విమర్శ బొత్స చేయటం పై కాంగ్రెస్ నాయకులకు చాలా ఆనందంగా ఉందని పార్టీ సినీయర్ల చెప్పుకుంటున్నారు. బాబు ఇంక ఎన్ని విమర్శలు ఎదుర్కోనాలో అని తెలుగు దేశం పార్టీ నాయకులు అనుకుంటున్నారు.