Posted: 02/25/2013 04:52 PM IST

పూర్వకాలంలోని పద్యాలలోంచి తెలుగులో కొన్ని వాడుక పదాలు వచ్చాయి. అందులో ఈ పద్యంలోని పిలవని పేరంటమనే మాట ఒకటి.

ప్రాధాన్యత దక్కని చోట ఉండవద్దని సుమతీ శతకకర్త సూచిస్తున్నారు. ఎవరూ పిలవకుండానే తగుదునమ్మా అంటూ పోవటం, పని చేసినా దాన్ని పట్టించుకోని కొలువులో పనిచెయ్యటం, మీ స్నేహాన్ని గుర్తించని, ప్రాధాన్యత నివ్వని మిత్రుని దగ్గరకు పోవటం తగవని ఈ పద్యంలోని నీతి.

పనికట్టుకుని ఏదో విధంగా మనుషుల మధ్యలో దూరదామని పోయి భంగపడేదానికంటే ఊరకుండటం మేలని సలహా ఇస్తున్నారు. అటువంటి చోటికి పోవటం, ఏదో ఆశించటం, అది దక్కలేదని మళ్ళీ చింతించటం ఎందుకు దండుగ అని శతకకర్త సూచన. మీకు, మీరు చేసే పనికి విలువ ఉన్న చోటికే పోతే ఆత్మ సంతృప్తి ఉంటుంది.

 

-శ్రీజ