Telangana

Posted: 03/26/2012 11:35 AM IST

telangana తెలంగాణ కోసం అమరుడైన విద్యార్థి వార్తకు సముచిత ప్రాధాన్యమివ్వని ఈనాడు దినపత్రికపై తెలంగాణ హాకర్లు ఆగ్రహం వ్యక్తం చేశారు. తెలంగాణ ఉద్యమవార్తలకు ఆ పత్రిక ప్రాధాన్యమివ్వడం లేదని పేర్కొంటూ రంగాడ్డి జిల్లా సరూర్‌నగర్ మండలంలోని హాకర్లు, తెలంగాణవాదులు బాలాపూర్ చౌరస్తా వద్ద ‘ఈనాడు’ ప్రతులను దహనం చేశారు. ఆ పత్రికను బహిష్కరిస్తున్నామని తెలిపారు. తెలంగాణ ఉద్యమ వాస్తవాలు రాయకుండా తెలంగాణకు వ్యతిరేక వార్తలు ప్రముఖంగా ప్రచురించేది ‘ఈనాడు’ అని, దాని తీరుతో విసిగిపోయామని మండిపడ్డారు. ఉద్యమం ఉధృతమవుతున్న ప్రతిసారీ సీమాంధ్ర పత్రికలు విషం కక్కుతున్నాయని ఆగ్రహం వ్యక్తం చేశారు. నేతలు మీర్‌పేట రాజు, అర్జున్‌డ్డి, వీవీ రెడ్డి, శ్రీనివాస్, యాదగిరి మాట్లాడారు. భోజ్యానాయక్ ఆత్మహత్య చేసుకుంటే ‘ఈనాడు’ అవహేళన చేసినట్లు వార్తకు సముచిత స్థానం కల్పించలేదన్నారు. తెలంగాణ విద్యార్థి అమరుల త్యాగాలను పతాక శీర్షికలో రాయనంత కాలం ఆ పత్రికను బహిష్కరిస్తామని, ఈ బహిష్కరణ ఉండనుందని తెలిపారు. ఈనాడు పేపర్లు వేసే కేంద్రాలు ఎక్కడుంటే అక్కడ నిరసనలు, ధర్నాలు చేపడతామన్నారు. సంతోష్‌నగర్, చంపాపేట, బాలాపూర్ చౌరస్తా, మీర్‌పేట చౌరస్తాల పరిధిల్లోనే కాకుండా ఎక్కడ ఈనాడు పత్రికలు వేసే కేంద్రాల దగ్గర ఆందోళన వ్యక్తం చేస్తామని తెలిపారు.