Posted: 08/07/2012 03:27 PM IST

. స్కూలు పిల్లలను.. ‘గాడిద’ పేరుతో తిట్టేవారు.  ఆ పేరుతో తిడతారో .. ఆ పిల్లలకు తెలియాదు. గాడిద అంటే  బరువు లు మోయటం, పెద్దగా అరవటం చేస్తుంటాయి. అందువలన బడిలో పిల్లల అల్లరిని భరించలేక మాష్టార్లు  గాడిద పేరు ఉపయోగించేవారు. కానీ ఇప్పుడు అదే గాడిద 10 నిమిషాల్లో ..10 వేలు సంపాదిస్తుంది. ఎంచక్కా బొమ్మలేసేస్తోన్న ఈ గాడిద పేరు ప్యాటీ(8). గాడిద బొమ్మలేయడమే ఓ చిత్రమనుకుంటే.. ఆ ‘కళాఖండాలు’ ఒక్కోటి రూ.10 వేల చొప్పున అమ్ముడుపోతుండటం మరో విచిత్రం. పైగా.. కేవలం 10 నిమిషాలు చాలట.. ప్యాటీ పరపరా చిత్రాన్ని గీకిపారేయడానికి..! బ్రిటన్‌లోని బ్రిస్టల్‌కు చెందిన హార్స్‌వరల్డ్ విజిటర్ సెంటర్‌లో ఉంటున్న ఈ గార్దభం ప్రస్తుతం సెలబ్రిటీయే.. కానీ ఒకప్పుడు.. తినడానికి తిండి లేక.. దారుణమైన పరిస్థితుల్లో ఉండేది. అంగట్లో దీన్ని అమ్మకానికి పెట్టినప్పుడు ఈ హార్స్‌వరల్డ్ జంతు శరణాలయం వాళ్లు దీన్ని కొనుగోలు చేసి.. ఆశ్రయమిచ్చారు.

ఇంతకీ దీనికీ కళ ఎలా అబ్బిందో తెలుసా? ఓ రోజున హార్స్‌వరల్డ్ అసిస్టెంట్ మేనేజర్‌గా పనిచేస్తున్న వికీ గ్రీన్‌స్లేడ్ చిత్రాలు వేయడాన్ని ప్యాటీ చూసిందట. అంతే.. అప్పట్నుంచి బ్రష్షు పట్టుకుని.. అటూ ఇటూ ఊపడం మొదలెట్టింది. దీన్ని గమనించిన గ్రీన్‌స్లేడ్ బొమ్మలు వేసేలా ప్యాటీని ప్రోత్సహించింది. అంతే.. కేవలం 3 వారాల్లోనే చిత్రకళన ఔపోసన పట్టేసింది. ప్యాటీ వేస్తున్న బొమ్మల ద్వారా వస్తున్న మొత్తాన్ని జంతువుల సంరక్షణకు వినియోగిస్తున్నారు.