Posted: 05/20/2012 01:10 PM IST

      మా సాక్షంటే సర్కారుకు దడ దడ అంటోంది అందాల భామ రోజా. సాక్షి అంటే ప్రభుత్వం భయపడుతుందని వైఎస్సార్‌ కాంగ్రెస్‌ పార్టీ అధికార ప్రతినిదైన రోజా అన్నారు. సాక్షిని అడ్డుకునేందుకు ప్రభుత్వం ఇచ్చిన జీవోలు చూస్తేనే అర్థమవుతుందన్నారు. వివాదాస్పదమైన 26 జీవోలు వల్లా, క్విట్‌ ప్రొకో వల్లా జగన్‌ బిజినెస్‌లో డబ్బులు పెట్టారని చెబుతున్నారో అది జరిగిందా, లేదా అని ఆలోచించకుండా సిబిఐ ఏకపక్షంగా వెళ్తోందన్నారు.
 26 జీవోల విషయంలో కోర్టు నోటీసులు అందుకున్న మంత్రి సబితాఇంద్రారెడ్డి ఏ రకంగా సాక్షి ఆస్తులను అటాచ్‌ చేయమని ఫైల్‌ మీద సంతకం పెడతారని ప్రశ్నించారు. తప్పు జరగలేదని తాము అంటుంటే, తప్పు జరిగిందని సిబిఐ చెబుతోందని, తప్పు జరిగితే ముందు జీవోలు విడుదల చేసిన మంత్రులను ఎందుకు విచారించడం లేదన్నారు. జగన్‌ వైపు నాయకుల్లో అభద్రతా భావం పెంచడానికే కాంగ్రెస్‌ ప్రయత్నిస్తోందన్నారు. తమ పార్టీ కార్యకర్తలు నేతలంతా ఇలాంటి చర్యలకు భయపడవద్దని సూచించారు.

...avnk