మళ్లీ ప్రపంచ నెం. 1గా సైనా నెహ్వాల్..

Posted: 04/16/2015 08:31 PM IST

భారత ఏస్ షెట్లర్ సైనా నెహ్వాల్ మరోమారు ప్రపంచ నెంబర్ వన్ ర్యాంకర్ గా నిలించింది. ప్రపంచ బ్యాడ్మింటన్ ఫెడరేషన్ అధికారికంగా విడుదల చేసిన తాజా ర్యాంకింగ్ లో సైనా ఇటీవల తాను కోల్పోయిన ర్యాంక్ ను తిరిగి కైవసం చేసుకుంది.  సైనా చైనా షట్లర్ లీ జ్యురుయ్ను వెనక్కినెట్టి అగ్రస్థానం సాధించింది. ప్రపంచ నెంబర్ వన్ స్థానాన్ని అక్రమించుకున్న కారోలైన్ మారిన్ సహా రాట్చనోక్ ఇనాటన్ లను వెనక్కి నెట్టి అగ్రస్థానాన్ని గతంలో చేజిక్కించుకున్న సైనా.. రేసులో తన వెనకనే పయనిస్తున్న చైనా షెట్లర్ లీ జ్యరుయ్ కు మలేషియా ఓపెన్ లో ఓటమితో ర్యాంకును అప్పగించింది. తాజాగా చైనా షెట్లర్ లీ జ్యురుయ్ కూడా ఓటమి పాలవ్వడంతో మరోమారు ప్రపంచ నెంబర్ వన్ ర్యాంకు సైనా నెహ్వాల్ ను వలచింది.

గురువారం ప్రకటించిన తాజా ర్యాంకింగ్స్లో చైనా షట్లర్ లీ జ్యురుయ్ రెండో స్థానాలు కోల్పోయి మూడో ర్యాంక్కు దిగజారింది. ఇటీవల ఇండియా ఓపెన్ గ్రాండ్ ప్రీ గోల్డ్ టోర్నమెంట్లో విజేతగా నిలిచిన సైనా నెంబర్ వన్ ర్యాంక్ సంపాదించినా.. మలేసియా ఓపెన్ సూపర్ సిరీస్ సెమీస్లో ఓటమి అనంతరం ఓ స్థానం కోల్పోయి రెండో ర్యాంక్కు పరిమితమైంది. తాజాగా మళ్లీ ర్యాంక్ను మెరుగుపరచుకుంది. ర్యాంకింగ్స్ జాబితాలో మరో తెలుగుతేజం పీవీ సింధు 12వ స్థానంలో కొనసాగుతుంది. పురుషుల జాబితాలో శ్రీకాంత్ 4వ, కశ్యప్ 14వ స్థానాల్లో ఉన్నారు.
 
జి మనోహర్