కప్ గెల్చుకునేది వారే... కాదు వారు..?

Posted: 06/11/2014 02:47 PM IST

మరో కొద్ది గంటల్లో ప్రపంచ వ్యాప్తంగా ఎంతో ఆదరణ ఉన్న ఫిఫా ప్రపంచ ఫుట్ బాల్ టోర్నీ ప్రారంభం కాబోతుంది. మరి ఈ టోర్నీలో ఎవరు విజేతగా నిలవ బోతున్నారనే దాని పై చర్చోప చర్చలు సాగడమే కాకుండా, జోరుగా బెట్టింగులు కూడా సాగుతున్నాయి. చాలా సంవత్సరాల తరువాత ఫిఫాకు ఆతిథ్యం ఇస్తున్న బ్రెజిల్ సొంత గడ్డ పై ఆడబోతుంది. ఫుట్ బాల్ కి ఫేవరెట్ అయిన బ్రెజిల్ కప్ ని సొంతం చేసుకుంటుందంటే , కాదు కాదు డిపెండింగ్ ఛాంపియన్ స్పెయిన్ నే టైటిల్ ని కైవసం చేసుకుంటుందని అంచనా వేస్తున్నారు

ఆర్థిక వేత్తలు. 52 దేశాలకు చెందిన ఆర్థిక వేత్తలు వివిధ సర్వేలు నిర్వహించి ఈ విషయాన్ని వెల్లడించారు. ఈ టోర్నీలో బ్రెజిల్, జర్మనీలు ఫైనల్ కి చేరుకుంటాయని, బ్రెజిల్ విజేతగా నిలుస్తుందని వారు లెక్కలు వేస్తున్నారు. బ్లూమ్ బర్గ్ న్యూస్ పోల్ సర్వేలో 98 శాతం మంది అభిమానులు  బ్రెజిలే విజేతగా నిలుస్తుందని తేల్చారు. తరువాతి స్ధానాల్లో జర్మనీ, అర్జెంటీనా, స్సెయిన్ లు నిలుస్తాయని తేల్చారు.

కానీ జర్మనీ శాస్త్రవేత్తలు మాత్రం స్పెయినే విజేతగా నిలుస్తుందని ఫిఫా ర్యాంకిగ్స్, గత మ్యాచ్ ల ప్రదర్శనల ఆధారంగా ప్రియి యూనివర్సిటీ శాస్త్రవేత్తలు పలు లెక్కలు వేసి ఈ విషయాన్ని తేల్చి చెప్పారు. మరి ఈ ఆర్థిక వేత్తలు చెప్పిన ఫలితాలు ఏ మేరకు వస్తాయో చూడాలి.